2 Pedro 1:10 - Marahay na Bareta Biblia

¹⁰ Kaya, mga tugang, orog na magmahigos kamo sa pagpatotoo na talagang inapod saka pinili kamo nin Dios. Kun gibohon nindo ini dai kamo mahuhulog sa kasalan.

2 Pedro 1:10 ပူးပေါင်းရင်းမြစ်များ

Salmo 112:6

An matanos na tawo dai masasala; gigiromdomon siya sagkod pa man.

Salmo 121:3

Dai ka niya papabayaan na mahulog; an parabantay mo dai makatorog.

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 37:24

Kun siya matumba, dai siya mahahaloy diyan, huli ta babangonon siya nin Kagurangnan.

Salmo 62:2

Siya sana an sakong gapo asin kaligtasan; siya an sakong bantayan, dai nanggad ako mahihiro.

Salmo 62:6

Siya sana an sakong gapo asin kaligtasan; siya an sakong bantayan, dai nanggad ako matatanyog.

Isaias 56:2

Bebendisyonan ko an mga danay na nag-ootob kan Sabbath asin dai nagbabasang-basang kaiyan. Bebendisyonan ko an mga dai naggigibo nin maraot.”

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Mateo 22:14

Nagtaram pa si Jesus, “Dakul an inaapod, alagad kadikit an napipili.”

Roma 11:29

Dai binabawi nin Dios an saiyang mga balaog; dai niya binabago an saiyang pag-apod.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

Hebreyo 6:11

Minamawot nyamo na ipadagos kan lambang saro saindo an dati niyang pagmaigot sagkod sa kataposan, tanganing makamtan nindo an mga bagay na saindong pinaglalaom.

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.

Santiago 2:10

An siisay man na naglalapas kan saro sanang pagboot, naglalapas kan gabos na togon.

Josue 7:3

nagbalik sinda ki Josue asin nag-osip, “Dai kaipuhan an gabos na tawo sa pagsalakay kan Ai. Magpadara ka sana nin mga duwa o tolong ribong lalaki. Dai mo ipagpadara an bilog na hukbo tanganing makilaban huli ta bako man dakula an syudad.”

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

2 Pedro 1:3

Huli kan saiyang Diosnon na kapangyarihan, tinawan kita nin Dios kan gabos tang kaipuhan tanganing mamuhay na banal sa paagi kan satong pakamidbid ki Jesus, na iyo an nag-apod sato na makihiras sa saiyang kamurawayan asin karahayan.

2 Pedro 1:5

Huli kaini hingowahon nindong ikadagdag an karahayan sa saindong pagtubod; sa karahayan, ikadagdag an pakaaram;

2 Pedro 3:14

Kaya mga namomotan, mantang naghahalat kamo kan Aldaw na iyan, hingowahon nindong magin malinig kamo o mayong kaninan sa atubang nin Dios asin namumuhay kamo sa katoninongan.

2 Pedro 3:17

Alagad kamo, mga tugang, aram na nindo an mga bagay na ini, kaya mag-ingat kamo tanganing dai kamo madara kan mga sala kan mga tawong maraot, dangan mahale sa ligtas na namumugtakan nindo ngunyan.

Judas 1:24

Pag-omawon siya na makakaingat saindo sa pagkahulog, asin makakadara saindo na malinig asin maogma sa atubang nin saiyang kamurawayan,

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.