2 Mga Hade 9:6 - Marahay na Bareta Biblia

⁶ Nagtindog si Jehu asin nagduman sindang duwa sa laog kan harong; dangan inula kan hoben na propeta an lana sa payo ni Jehu. Sinabihan niya si Jehu, “Ini an sinasabi nin Kagurangnan, Dios nin Israel: ‘Linalahidan taka bilang hade kan banwaan nin Israel.

2 Mga Hade 9:6 ပူးပေါင်းရင်းမြစ်များ

1 Mga Hade 1:34

Lalahidan siya duman ni Zadok asin ni Natan bilang hade nin Israel. Dangan patanogon nindo an trompeta asin magkurahaw kamong, ‘Mabuhay si Hadeng Solomon!’

1 Mga Hade 10:9

Pag-omawon an Kagurangnan na saimong Dios, na nawiwili saimo asin nagpapatukaw saimo sa trono nin Israel! Huli ta namomoot sa Israel sagkod lamang an Kagurangnan, ginibo ka niyang hade tanganing papagdanayon mo an hustisya saka an katanosan.”

1 Mga Hade 14:7

Bumalik ka asin sabihan mo si Jeroboam kan tataramon na ini para sa saiya kan Kagurangnan, an Dios nin Israel: ‘Pinili taka sa kadaklan, asin ginibong pamayo kan sakong banwaan na Israel.

1 Mga Hade 16:2

“Ilinangkaw taka hale sa alpog asin ginibong lider kan banwaan kong Israel. Alagad nagkasala ka arog ki Jeroboam. Pinapagkasala mo man an sakong banwaan asin pinaanggot mo ako huli kan saindang mga kasalan.

1 Mga Hade 19:16

lahidan mo si Jehu na aking lalaki ni Nimsi bilang hade nin Israel, asin lahidan mo si Eliseo na aking lalaki ni Safat na taga Abel-mehola bilang propeta na masalihid saimo.

1 Mga Hade 3:8

Uya ako sa tahaw kan banwaan na pinili mo bilang sadiri, banwaan na dai mabilang sa kadakulaan.

2 Mga Hade 9:3

Dangan iula mo an lanang ini sa saiyang payo, saka sabihan mo, ‘Ini an sinasabi nin Kagurangnan: Linahidan taka bilang hade nin Israel.’ Pakatapos hidali kang maghale duman.”

2 Mga Hade 9:5

Inabotan niyang nag-oorolay an mga pamayo kan hukbo. Nagsabi siya, “Igwa ako nin mensahe para saimo.” Naghapot si Jehu, “Siisay samo an dinadarahan mo kan mensahe?” “Ika,” an simbag kan propeta.

2 Mga Cronica 22:7

An pagdalaw na ini ni Ahazias ki Joram iyo an ginamit nin Dios na paagi tanganing mangyari an pagbagsak ni Ahazias. Huli ta kan yaon duman ki Joram si Ahazias, sinabat sinda kan aking lalaki ni Nimsi, na an ngaran Jehu, an lalaki na pinili nin Kagurangnan na magtunaw kan pamilya ni Ahab.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 75:6

An paghukom dai minagikan sa sirangan o sa solnopan, ni sa mga kalangtadan o kabukidan;

Isaias 45:1

Pinili nin Kagurangnan si Ciro na magin hade. Pinili niya ini nganing sakopon an mga nasyon; sinusugo niya siya tanganing halean nin kapangyarihan an mga hade; bubukasan nin Kagurangnan an mga trangkahan nin mga syudad para saiya. Sinasabihan nin Kagurangnan si Ciro,

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 2:7

An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.