2 Mga Hade 9:30 - Marahay na Bareta Biblia

³⁰ Nagduman si Jehu sa Jezreel. Kan mabaretaan ini ni Jezebel, kinoloran niya an palibot kan saiyang mga mata, pinakarahay an buhok asin nagdungaw sa bintana.

2 Mga Hade 9:30 ပူးပေါင်းရင်းမြစ်များ

1 Mga Hade 16:9

Alagad pinasaluiban siya ni Zimri na pamayo kan kabanga kan saiyang hukbo na nagsasakay sa mga karwahe. Sarong aldaw duman sa Tirza, mantang nagbuburat si Ela sa harong ni Arza na namamahala kan palasyo,

1 Mga Hade 21:23

Asin manongod ki Jezebel, an Kagurangnan nagtataram na kakakanon si Jezebel kan mga ayam sa laog kan syudad nin Jezreel.

Mga Talinhaga 6:25

Dai ka magpadagka sa saiyang gayon, ni magpasiod sa saiyang mapandagkang mga mata.

Mga Talinhaga 7:10

Dangan sinabat siya kan babae; nakagubing ini nin sa maraot na babae, asin katusohan an nasa puso kaini.

Jeremias 4:30

Jerusalem, hinukoman ka na! Tadaw ta naggugubing ka pa nin pula? Tadaw ta nagsusulot ka nin mga alahas saka kinokoloran mo an saimong mga mata? Mayo na nin halaga an pagpagayon mo. Isinikwal ka na kan saimong mga sambay asin boot ka nindang gadanon.

Ezekiel 23:40

Paulit-ulit na nagpasugo pa sinda sa mga lalaking gikan sa hararayong mga lugar asin nagdirigdi an mga ini. Nagkarigos an magtugang na babae, kinoloran an saindang mga mata asin nagsulot nin mga alahas, para sa mga lalaking ini.

Ezekiel 24:17

Mag-agrangay ka, alagad dai dapat madangog iyan; dai ka nanggad magpahiling na ika nagmomondo. Dai ka mag-aris nin buhok ni magtangkas kan sandalyas. Dai mo pagtahoban an saimong lalawogon o magkakan kan kakanon nin mga nagmomondo.”

1 Pedro 3:3

Dai kamo maggamit nin mga samno sa pagpagayon na panluwas sana, arog kan pagsalapid nin buhok, paggamit nin mga alahas, o pagsulot nin magayon na mga gubing.

1 Samuel 29:1

Tiniripon sa Afek kan mga Filisteo an gabos nindang hukbo, mantang an mga Israelita nagkampo sa may burabod nin Jezreel.