2 Mga Hade 9:3 - Marahay na Bareta Biblia

³ Dangan iula mo an lanang ini sa saiyang payo, saka sabihan mo, ‘Ini an sinasabi nin Kagurangnan: Linahidan taka bilang hade nin Israel.’ Pakatapos hidali kang maghale duman.”

2 Mga Hade 9:3 ပူးပေါင်းရင်းမြစ်များ

1 Mga Hade 1:34

Lalahidan siya duman ni Zadok asin ni Natan bilang hade nin Israel. Dangan patanogon nindo an trompeta asin magkurahaw kamong, ‘Mabuhay si Hadeng Solomon!’

1 Mga Hade 19:16

lahidan mo si Jehu na aking lalaki ni Nimsi bilang hade nin Israel, asin lahidan mo si Eliseo na aking lalaki ni Safat na taga Abel-mehola bilang propeta na masalihid saimo.

2 Mga Hade 8:13

“Siisay ako na magibo kan mangirhat na bagay na iyan?” an hapot ni Hazael. “Ipinahiling sako nin Kagurangnan na magigin hade ka nin Siria,” an simbag ni Eliseo.

2 Mga Hade 9:6

Nagtindog si Jehu asin nagduman sindang duwa sa laog kan harong; dangan inula kan hoben na propeta an lana sa payo ni Jehu. Sinabihan niya si Jehu, “Ini an sinasabi nin Kagurangnan, Dios nin Israel: ‘Linalahidan taka bilang hade kan banwaan nin Israel.

2 Mga Cronica 22:7

An pagdalaw na ini ni Ahazias ki Joram iyo an ginamit nin Dios na paagi tanganing mangyari an pagbagsak ni Ahazias. Huli ta kan yaon duman ki Joram si Ahazias, sinabat sinda kan aking lalaki ni Nimsi, na an ngaran Jehu, an lalaki na pinili nin Kagurangnan na magtunaw kan pamilya ni Ahab.

Exodo 29:7

Dangan kuahon mo an lana, iula mo sa saiyang payo asin lahidan mo siya.

Daniel 2:1

Sa ikaduwang taon kan paghahade ni Nebukadnezzar, nagkaigwa siya nin pangatorogan. Napurisaw siyang marahay kaya dai siya nangangatorog,

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Levitico 8:12

Pakatapos, inulaan niya kan lana an payo ni Aaron sa pag-orden saiya.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 2:13

Pakahale kan mga mago, an anghel nin Kagurangnan nagpahiling ki Jose sa pangatorogan asin nagsabi, “Magbangon ka; idulag mo sa Egipto an mag-ina. Dai ka maghale duman sagkod na sabihan taka, huli ta hahanapon ni Herodes an aki tanganing gadanon.”

Mateo 26:7

nagdolok saiya an sarong babae na may darang lalagan na alabastro, na pano nin mamahalon na pahamot. Inula niya ini sa payo ni Jesus mantang si Jesus nagkakakan.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 15:1

Sinabihan ni Samuel si Saul, “Sinugo ako nin Kagurangnan tanganing lahidan ka bilang hade kan saiyang banwaan na Israel. Dangoga an itinataram nin Kagurangnan.

1 Samuel 15:17

Nagsabi si Samuel, “Maski hababa an paghiling mo sa saimo man sana, ika pa giraray an lider kan mga tribu nin Israel. Linahidan ka nin Kagurangnan bilang hade nin Israel;

1 Samuel 16:2

“Paano ko magigibo iyan?” an hapot ni Samuel. “Kun mabaretaan iyan ni Saul, gagadanon niya ako!” Nagsimbag an Kagurangnan, “Magdara ka nin ogbon na baka asin sabihon mong yaon ka duman tanganing magdolot nin sakripisyo sa Kagurangnan.

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”