2 Mga Hade 9:18 - Marahay na Bareta Biblia

¹⁸ Kaya sarong nangangabayo an nagsabat ki Jehu. Nagsabi siya, “Ipinapahapot kan hade kun katoninongan an katuyohan mo.” Nagsimbag si Jehu, “Ano an pakilabot mo? Sumunod ka sako.” Nagsabi an bantay, “Nakaabot na an sugo sa grupo, alagad dai na siya nagbalik.”

2 Mga Hade 9:18 ပူးပေါင်းရင်းမြစ်များ

2 Mga Hade 9:17

Nakatindog sa bantayan nin Jezreel an sarong bantay asin nahiling niya an nagdadangadang na grupo ni Jehu. “Nahihiling ko an sarong grupo nin mga lalaki,” an sabi kan bantay. Nagsabi si Joram, “Ipasabat mo sinda sa sarong nangangabayo asin ipahapot mo kun katoninongan an katuyohan ninda.”

2 Mga Hade 9:19

Saro pang nangangabayo an pinasabat ki Jehu. Nagsabi siya, “Ipinapahapot kan hade kun katoninongan an katuyohan mo.” Giraray nagsimbag si Jehu, “Ano an pakilabot mo? Sumunod ka sako.”

2 Mga Hade 9:22

Hinapot ni Joram si Jehu, “Katoninongan an katuyohan mo, Jehu?” Nagsimbag si Jehu, “Magkakaigwa daw nin katoninongan mantang pinapadanay kan ina mong si Jezebel an saiyang marigsok na pagsamba sa mga dios-dios asin pangkukulam?”

2 Mga Hade 9:31

Mantang palaog si Jehu sa trangkahan, nagsabi si Jezebel, “Katoninongan daw an katuyohan mo, Zimri, ika na paragadan kan saimong kagurangnan?”

Isaias 48:22

“Mayo nin kaligtasan para sa mga parakasala,” an sabi nin Kagurangnan.

Isaias 59:8

asin bakong ligtas an siisay man sa lugar na saindong dinudumanan. An gabos nindong ginigibo mayong katanosan. Sarong tiko na dalan an saindong linalakawan asin bakong ligtas an siisay man na maglakaw sa dalan na iyan.

Jeremias 16:5

“Kaipuhan na dai ka maglaog sa sarong harong na igwa nin nagtatangis. Dai ka magmondo para sa kiisay man. Hinale ko na sa sakong banwaan an sakong katoninongan, an danay kong pagkamoot saka pagkaherak.

Roma 3:17

Dai sinda tatao kan dalan nin katoninongan,