2 Mga Hade 8:9 - Marahay na Bareta Biblia

⁹ Kaya kinargahan ni Hazael an kwarentang kamelyo nin manlaen-laen na produkto kan Damasco asin nagduman ki Eliseo. Kan nasa atubangan na ni Eliseo si Hazael, nagsabi ini, “Sinugo ako kan saimong sorogoon na si Hadeng Ben-hadad tanganing hapoton ka kun mararahay pa siya sa saiyang helang o dai na.”

2 Mga Hade 8:9 ပူးပေါင်းရင်းမြစ်များ

1 Mga Hade 14:3

Magdara ka nin sampolong tinapay, nagkapirang biskwit, asin sarong dulay na pano nin dugos. Hapoton mo siya kun ano an mangyayari sa satong aki asin sasabihan ka niya.”

1 Mga Hade 15:18

Kaya kinua ni Asa an gabos na plata saka bulawan na natada sa Templo asin sa palasyo, dangan ipinadara niya sa Damasco. An saiyang mga opisyal iyo an nagdara kan mga bagay na ini ki Hadeng Ben-hadad nin Siria, na aking lalaki ni Tabrimon asin makoapo ni Hezion. Siring kaini an ipinasabi ni Asa:

1 Mga Hade 19:15

Nagsabi an Kagurangnan, “Bumalik ka sa kalangtadan na harani sa Damasco, dangan lumaog ka sa syudad saka lahidan mo si Hazael bilang hade nin Siria;

2 Mga Hade 1:2

Nahulog si Hadeng Ahazias hale sa balkon kan atop kan saiyang palasyo sa Samaria asin naghelang siya. Kaya nagpadara siya nin mga sugo tanganing maghapot ki Baal-zebub, an dios nin Ekron, kun mararahay pa siya.

2 Mga Hade 13:14

Si Eliseo nagkaigwa nin grabeng helang, asin kan siya naghihingagdan na, dinalaw siya ni Hadeng Jehoas nin Israel. Nagsabi si Jehoas mantang naghihibi, “Ama ko, ama ko! Ika an nagin makosog na parasurog nin Israel!”

2 Mga Hade 16:7

Nagsugo si Ahaz nin mga tawohan ki Tiglat-pileser, an emperador nin Asiria; ini an ipinasabi niya: “Ako an maimbod mong sorogoon. Magdigdi ka asin iligtas mo ako sa hade nin Siria asin sa hade nin Israel, na nagsasalakay sako.”

2 Mga Hade 5:13

Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

2 Mga Hade 5:5

Nagsabi an hade, “Magduman ka sa hade nin Israel asin darahon mo saiya an surat na ini.” Kaya nagduman si Naaman; igwa siya nin darang treynta mil na pedaso nin plata, seis mil na pedaso nin bulawan, asin sampolong magayon na gubing.

2 Mga Hade 6:21

Kan mahiling sinda kan hade nin Israel, naghapot siya ki Eliseo, “Boot mong gadanon ko sinda? Boot mong gadanon ko sinda?”

Parahulit 3:6

panahon nin paghahanap, saka panahon nin pagkakawara; panahon nin pagsaray, saka panahon nin pagtapok;

Filemon 1:14

Alagad habo kong piriton kang tabangan ako; kundi mawot kong gibohon mo iyan sa sadiring boot. Kaya dai ako magibo nin anoman kun dai mo oyon.

1 Samuel 25:8

Hapoton mo sinda asin sasabihan ka ninda. Kaya itugot logod na mawilihan mo an sakong mga hoben na lalaki huli ta nag-abot sinda sa aldaw nin pyesta. Nakikimaherak akong itao mo an saimong makakaya sa samo na saimong mga sorogoon asin sa saimong katood na si David.”

1 Samuel 9:7

Naghapot si Saul, “Kun magduman kita, ano an ikakatao ta saiya? Mayo nang natada sa satong balon na pagkakan; mayo kita maski anong bagay na pwedeng ikatao saiya.”