2 Mga Hade 8:6 - Marahay na Bareta Biblia

⁶ Kan hapoton kan hade an babae, pinatotoohan kan babae an istorya ni Gehazi. Kaya inapod kan hade an sarong opisyal saka sinabihan na ibalik sa babae an gabos na pagsadiri kaini, sagkod an halaga kan gabos na ibinunga kan daga sa laog nin pitong taon na mayo siya.

2 Mga Hade 8:6 ပူးပေါင်းရင်းမြစ်များ

Genesis 37:36

Kan panahon na ini sa Egipto, ikinapabakal na si Jose kan mga negosyanteng Midianita ki Potifar na sarong kapitan kan mga bantay sa palasyo kan hade.

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

2 Mga Hade 8:5

Mantang sinasabi ni Gehazi sa hade kun paano binuhay ni Eliseo an sarong gadan, ipinahayag kan babae an saiyang kahagadan sa hade. Nagsabi si Gehazi, “Mahal na hade, uya an babae, asin uya an saiyang aking lalaki na binuhay ni Eliseo!”

2 Mga Hade 8:7

May helang si Hadeng Ben-hadad nin Siria kan magduman si Eliseo sa Damasco. Kan maosipan an hade na yaon duman si Eliseo,

2 Mga Hade 9:32

Nagtingkalag si Jehu asin nagkurahaw, “Siisay saindo an kakampi ko?” Nagdungaw an duwa o tolong opisyal sa palasyo,

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Deuteronomio 22:2

Alagad kun harayo an erokan kan kagsadiri o kun dai nindo siya midbid, darahon nindo an hayop saindo. Kun mag-abot an kagsadiri na naghahanap kan hayop, ibalik nindo iyan saiya.

Hukom 11:13

Nagsimbag an hade kan Ammon sa mga sinugo ni Jefta, “Kan umabot an mga Israelita hale sa Egipto, kinua ninda an sakong daga magpoon sa Salog nin Arnon sagkod sa Salog nin Jabbok asin Jordan. Kaya kaipuhan ibalik nindo iyan sako nin matoninong.”