2 Mga Hade 8:5 - Marahay na Bareta Biblia

⁵ Mantang sinasabi ni Gehazi sa hade kun paano binuhay ni Eliseo an sarong gadan, ipinahayag kan babae an saiyang kahagadan sa hade. Nagsabi si Gehazi, “Mahal na hade, uya an babae, asin uya an saiyang aking lalaki na binuhay ni Eliseo!”

2 Mga Hade 8:5 ပူးပေါင်းရင်းမြစ်များ

1 Mga Hade 20:1

Tinipon ni Hadeng Ben-hadad nin Siria an gabos niyang hukbo, asin sa tabang kan treynta y dos na mga hade, kaiba an saindang mga kabayo saka mga karwahe, nagpasiring siya sa Samaria. Pinalibotan niya an Samaria dangan sinalakay.

2 Mga Hade 4:12

Sinabihan ni Eliseo si Gehazi na saiyang sorogoon, “Apoda an Sunamita.” Pag-abot kan babae,

2 Mga Hade 4:35

Nagtindog si Eliseo, naglakaw-lakaw sa kwarto, dangan nagbalik asin dinapaan giraray an aki. Nagbahon nin pitong beses an aki saka nagmuklat kan saiyang mga mata.

2 Mga Hade 6:12

Nagsimbag an saro sa sainda, “Mahal na hade, mayo samo nin kampi sa saiya. Si Eliseo na propeta sa Israel an nagsasabi sa saindang hade kan mga itinataram mo sa hilom.”

2 Mga Hade 6:26

Sarong aldaw, kan naglalakaw an hade nin Israel sa gilid kan kudal, may nagkurahaw na sarong babae, “Mahal na hade, tabangi man ako!”

2 Mga Hade 8:6

Kan hapoton kan hade an babae, pinatotoohan kan babae an istorya ni Gehazi. Kaya inapod kan hade an sarong opisyal saka sinabihan na ibalik sa babae an gabos na pagsadiri kaini, sagkod an halaga kan gabos na ibinunga kan daga sa laog nin pitong taon na mayo siya.

Esther 5:14

Kaya sinabihan siya kan agom niya asin kan saiyang mga katood, “Magpagibo ka nin bitayan na beynte y dos metros an langkaw, asin sa aga hagadon mo sa hade na bitayon duman si Mardokeo. Dangan maogma kang maduman sa bangkete kaiba an hade.” Naoyonan ini ni Haman, kaya nagpagibo siya nin bitayan.

Salmo 145:1

Oomawon taka, sakuyang Dios asin hade; magpapasalamat ako saimo sagkod pa man.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Ruth 2:3

Kaya nagduman si Ruth sa oma asin naglakaw sa hurihan kan mga paraani. Sinirot niya an mga trigo na nagkawaralat ninda. Nangyari na an nadumanan niyang oma sadiri ni Boaz.

1 Samuel 26:17

Namidbidan ni Saul an tingog ni David asin naghapot siya, “David, aki ko, ika iyan?” “Iyo, Mahal na Hade,” an simbag ni David.