2 Mga Hade 8:21 - Marahay na Bareta Biblia

²¹ Kaya nagluwas si Jehoram dara an gabos niyang karwahe dangan sinalakay an Zair. Pinalibotan siya duman kan mga Edomita alagad pagkabanggi, nakalusot asin nakadulag siya saka an mga opisyal kan saiyang mga karwahe. An saiyang mga soldados nagdurulag man.

2 Mga Hade 8:21 ပူးပေါင်းရင်းမြစ်များ

2 Samuel 18:17

Kinua ninda an bangkay ni Absalom asin ihinulog sa sarong hararom na kalot duman sa kadlagan dangan tinahoban ninda an kalot nin sarong dakulang tambak nin gapo. Nagdurulag an mga Israelita; an lambang saro sa saiyang harong.

2 Samuel 19:8

Dangan nagbuhat an hade, asin nagtukaw sa saiyang tukawan sa may trangkahan kan syudad. Nabaretaan kan saiyang mga tawohan na yaon siya duman, kaya nagtiripon sinda sa palibot kan hade. Mantang nangyayari ini, nagdurulag an gabos na Israelita, an lambang saro pasiring sa saiyang harong.

2 Mga Hade 14:7

Ginadan niya an dyes mil na Edomita sa Kapantayan nin Asin; sinakop niya an syudad nin Sela asin inapod ining Jokteel, na iyo an ngaran kaini ngunyan.

Lukas 21:20

“Kun mahiling nindo an Jerusalem na napapalibotan nin mga hukbo, aram na nindong madali na iyan rumpagon.