2 Mga Hade 8:18 - Marahay na Bareta Biblia

¹⁸ Inarog niya an maraot na mga ginibo ni Hadeng Ahab asin kan iba pang hade nin Israel, huli ta naagom niya an aking babae ni Ahab. Ginibo niya an maraot sa atubangan kan Kagurangnan.

2 Mga Hade 8:18 ပူးပေါင်းရင်းမြစ်များ

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

1 Mga Hade 22:44

Nakipagtoninong si Jehosafat sa hade nin Israel.

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 21:13

Papadusahan ko an Jerusalem arog kan ginibo ko sa Samaria, arog kan ginibo ko ki Hadeng Ahab nin Israel sagkod an saiyang kapagarakian. Lilinigan ko an Jerusalem arog kan paglinig kan plato bago patiolobon.

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

2 Mga Hade 8:26

Beynte y dos an edad ni Ahazias kan siya magin hade, asin sarong taon siyang naghade sa Jerusalem. An saiyang ina iyo si Atalia na makoapo ni Omri na nagin hade nin Israel.

2 Mga Hade 8:27

Huli ta si Ahazias manugang ni Hadeng Ahab, nagkasala siya sa Kagurangnan arog kan pamilya ni Ahab.

2 Mga Cronica 17:4

kundi naglingkod sa Dios nin saiyang ama, nagsunod sa mga pagboot nin Dios asin dai nag-arog sa ginibo kan mga hade nin Israel.

2 Mga Cronica 18:1

Nagyaman saka ginalangan si Hadeng Jehosafat. Nakialyansa siya ki Ahab sa paagi nin pag-agoman kan sarong kaayon kan saiyang pamilya asin kan kaayon sa pamilya ni Ahab nin Israel.

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 21:13

kundi inarog mo an maraot na ginibo kan mga hade nin Israel asin pinangenotan mo an mga banwaan nin Juda saka nin Jerusalem sa pagsombikal sako, siring na an Israel pinangenotan ni Ahab asin kan saiyang mga kasalihid sa pagsombikal sako patin ginadan mo an saimong mga tugang na lalaki na mas marahay ki sa saimo,

2 Mga Cronica 21:6

Inarog niya an maraot na ginibo ni Hadeng Ahab asin kan iba pang hade nin Israel, huli ta naagom niya an sarong aking babae ni Ahab. Ginibo niya an maraot sa atubangan kan Kagurangnan,

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”