2 Mga Hade 8:15 - Marahay na Bareta Biblia

¹⁵ Alagad sunod na aldaw, kuminua si Hazael nin sarong tamong, ibinalbag ini sa tubig, saka itinahob sa lalawogon kan hade sagkod na magadan ini. Kaya nagsalihid si Hazael ki Ben-hadad bilang hade nin Siria.

2 Mga Hade 8:15 ပူးပေါင်းရင်းမြစ်များ

1 Mga Hade 15:28

Nangyari ini kan ikatolong taon nin paghahade ni Hadeng Asa nin Juda, kaya si Baasa an nagsalihid ki Nadab bilang hade nin Israel.

1 Mga Hade 16:10

naglaog sa harong si Zimri asin ginadan si Ela. Dangan siya na an nagsalihid ki Ela bilang hade. Nangyari ini kan ikabeynte y syeteng taon kan paghahade ni Hadeng Asa sa Juda.

1 Mga Hade 16:18

Kan mahiling ni Zimri na nasakop an syudad, nagduman siya sa bantayan kan palasyo, sinulo an palasyo asin nagadan siya sa kalayo.

1 Mga Hade 19:15

Nagsabi an Kagurangnan, “Bumalik ka sa kalangtadan na harani sa Damasco, dangan lumaog ka sa syudad saka lahidan mo si Hazael bilang hade nin Siria;

2 Mga Hade 15:25

Si Peka na aking lalaki ni Remalias, na sarong opisyal kan hukbo ni Pekaias, nagplano laban saiya kaiba an singkwentang lalaki na taga Gilead. Ginadan ninda si Pekaias sa Samaria, sa bantayan kan palasyo, asin si Peka an nagsalihid saiya bilang hade.

2 Mga Hade 15:30

Kan ikabeynteng taon nin paghahade sa Juda ni Jotam na aking lalaki ni Uzzias, nagplano laban ki Hadeng Peka si Hosea na aking lalaki ni Ela. Ginadan ni Hosea si Hadeng Peka asin siya an nagsalihid bilang hade.

2 Mga Hade 8:10

Nagsimbag si Eliseo, “Ipinahayag sako kan Kagurangnan na magagadan si Ben-hadad; alagad magduman ka asin sabihan mo siya na mararahay siya.”

2 Mga Hade 8:13

“Siisay ako na magibo kan mangirhat na bagay na iyan?” an hapot ni Hazael. “Ipinahiling sako nin Kagurangnan na magigin hade ka nin Siria,” an simbag ni Eliseo.

2 Mga Hade 8:28

Inibahan ni Hadeng Ahazias si Hadeng Joram nin Israel sa pakigera ki Hadeng Hazael nin Siria. Duman sa Ramot-gilead nagralaban an mga hukbo asin nalugadan si Joram.

2 Mga Hade 9:24

Alagad pinana siya ni Jehu. Tinamaan siya sa likod asin luminagbas sa saiyang puso an bosog. Gadan na natumba si Joram sa laog kan saiyang karwahe.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

1 Samuel 24:13

Aram mo an suanoy na kasabihan, ‘An karatan minagikan sa maraot na tawo.’ Kaya dai ako matumang saimo.