2 Mga Hade 8:12 - Marahay na Bareta Biblia

¹² “Tadaw ta naghihibi ka, kagurangnan?” an hapot ni Hazael. “Huli ta naaaraman ko an karatan na gigibohon mo sa banwaan nin Israel; susuloon mo an saindang mga bantayan, gagadanon an mga hoben na lalaki, roronoton an mga aki asin babaakon an tulak kan mga bados.”

2 Mga Hade 8:12 ပူးပေါင်းရင်းမြစ်များ

1 Mga Hade 18:13

Dai mo nadangog na kan ginagadan ni Jezebel an mga propeta nin Kagurangnan itinago ko sa mga lungib an sanggatos sa sainda, sa duwang grupo na tigsingkwenta, dangan tinawan ko sinda nin pagkakan saka inomon?

1 Mga Hade 19:17

An makadulag sa espada ni Hazael gagadanon ni Jehu; an makadulag sa espada ni Jehu gagadanon ni Eliseo.

2 Mga Hade 12:17

Kan panahon na iyan, sinalakay ni Hadeng Hazael nin Siria an syudad nin Gat asin nasakop ini. Alagad kan mag-isip siya na salakayon an Jerusalem,

2 Mga Hade 12:18

kinua ni Hadeng Joas nin Juda an gabos na dolot na itinalaga sa Kagurangnan ni Jehosafat, Jehoram, asin Ahazias, an mga hadeng naenot saiya. Kinua man niya an sadiri niyang mga dolot asin an gabos na bulawan sa kaban nin yaman duman sa Templo saka sa palasyo, dangan ipinadara gabos ki Hadeng Hazael. Kaya dai na sinalakay ni Hadeng Hazael an Jerusalem.

2 Mga Hade 13:22

An Israel pinasakitan ni Hadeng Hazael nin Siria sa bilog na panahon kan paghahade ni Jehoahaz,

2 Mga Hade 13:3

Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

2 Mga Hade 15:16

Kan panahon na iyan, rinaot ni Menahem an syudad nin Tappua, an mga nag-eerok duman, asin an mga teritoryo kaini, magpoon sa Tirza huli ta an syudad dai nagsuko saiya. Ginadan niya an mga nag-eerok digdi. An mga babaeng bados ipinabaak niya an tulak.

2 Mga Hade 4:28

Dangan nagsabi an babae, “Naghagad daw ako saimo nin aki? Bakong sinabihan taka na dai mo ako pagputikan?”

Isaias 13:16

An saindang mga aki ipupusak sa atubangan ninda; sasamsaman an saindang mga harong asin lulupigan an saindang mga agom.”

Isaias 13:18

Gagadanon kan saindang mga pana saka bosog an mga hoben na lalaki; dai sinda maheherak sa mga omboy asin sa mga aki.

Oseas 10:14

madatong sa saindong banwaan an gera dangan magagaba an gabos nindong bantayan. An aldaw na iyan makakaagid sa aldaw na rinaot ni Hadeng Salman an syudad nin Bet-arbel sa sarong gera; nagkaroronot kaidto an mga ina kaiba an saindang mga aki.

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Amos 1:13

Nagtataram an Kagurangnan, “Paulit-ulit na nagkasala an mga taga Ammon, asin huli kaiyan, papadusahan ko sinda. Sa saindang pakigera tanganing mapadakula an saindang teritoryo, linaslas ninda an tulak kan mga babaeng bados sa Gilead,

Nahum 3:10

Alagad ipinatapok an mga taga Tebes. Sa lambang kanto kan mga tinampo hinampak an saindang mga aki sagkod na magadan. An saindang ginagalangan na mga lalaki nakakadenahan na dinara dangan pinagripahan kan mga nakabihag sainda.