2 Mga Hade 8:11 - Marahay na Bareta Biblia

¹¹ Dangan pinagparahiling ni Eliseo si Hazael sagkod na masopog ini. Naghibi si Eliseo.

2 Mga Hade 8:11 ပူးပေါင်းရင်းမြစ်များ

Genesis 45:2

Nagtangis siya nin makosog, kaya nadangog ini kan mga Egipcio saka ibinareta sa hade.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 2:17

Alagad nagpirit sinda sagkod na magtugot si Eliseo kaya pinalakaw niya sinda. Hinanap si Elias kan singkwentang lalaki sa laog nin tolong aldaw, alagad dai ninda siya nakua.

Salmo 119:136

An sakong mga luha nagbubulos siring sa sarong salog huli ta dai nagkukuyog an mga tawo kan saimong katogonan.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Jeremias 9:18

Nagsabi an mga tawo, “Pahidalion nindo sinda tanganing manambitan para sato sagkod na magburulos an luha sa satong mga mata, asin maghurubag ini huli kan satong pagtangis.”

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.

Juan 11:35

Nagtangis si Jesus.

Mga Gibo 20:19

Naglingkod ako sa Kagurangnan na may kapakumbabaan, pagluha asin mga pagbalo dahel sa dakul na kasakitan na nag-abot sako huli sa homa kan mga Judio.

Mga Gibo 20:31

Kaya mag-ingat kamo. Giromdomon nindo na sa laog nin tolong taon, aldaw-banggi ko kamong tinukdoan kaiba an dakul na luha.

Roma 9:2

kun nagsasabi ako na makuring gayo an kamondoan ko asin mayong kataposan an kulog sa puso ko

Filipos 3:18

Dakul nang beses na sinabi ko ini kaidto saindo, asin ngunyan may luha na sinasabi ko giraray: kadakul an namumuhay na rinaraot an kahulogan kan pagkagadan sa krus ni Cristo.