2 Mga Hade 7:4 - Marahay na Bareta Biblia

⁴ Mayo nin halaga kun maglaog kita sa syudad, huli ta magagadan man kita sa gutom duman; alagad kun magparaturukaw kita digdi, magagadan man giraray kita. Kaya magduman kita sa kampo kan mga taga Siria. An pinakamaraot na mangyayari sato iyo na pwedeng gadanon ninda kita, alagad tibaad iligtas ninda an satong buhay.”

2 Mga Hade 7:4 ပူးပေါင်းရင်းမြစ်များ

2 Samuel 14:14

Gabos kita magagadan; arog kita sa tubig na naula sa daga, na dai na pwedeng tiponon giraray. Maski an Dios dai na minabuhay kan nagadan, alagad pwedeng maghanap an hade nin paagi tanganing ikabalik an sarong mayo sa saiyang kaibahan.

2 Mga Hade 6:24

Dai nahaloy, tinipon ni Hadeng Ben-hadad nin Siria an bilog niyang hukbo asin pinalibotan an Samaria.

2 Mga Hade 7:5

Kaya kan madorodiklom na, nagpasiring sinda sa kampo kan mga taga Siria; alagad pag-abot ninda duman, mayo sindang inabotan na tawo.

1 Mga Cronica 12:19

Nagkapirang mga lalaki na gikan sa tribu ni Manases an nag-apil ki David kan maglakaw siya kaiba an mga Filisteo tanganing labanan si Hadeng Saul. An katotoohan, dai man tinabangan ni David an mga Filisteo huli ta nagkatarakot an mga hade kaini ta tibaad ipasaluib sinda ni David sa saiyang dating kagurangnan na si Saul; kaya pinabalik ninda sa Ziklag si David.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Hebreyo 9:27

Itinalaan na sarong beses sana magadan an lambang tawo, dangan an paghukom.