2 Mga Hade 7:2 - Marahay na Bareta Biblia

² An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

2 Mga Hade 7:2 ပူးပေါင်းရင်းမြစ်များ

Genesis 7:11

Kan ikadyes y syeteng aldaw kan ikaduwang bulan, kan an edad ni Noe seis syentos na taon na, nagpurutok an gabos na burabod nin tubig sa irarom kan daga, asin nagkaburuksan an mga bintana kan kalangitan,

2 Mga Hade 5:18

Patawadon logod ako nin Kagurangnan kun ibahan ko an hade sa templo ni Rimmon, an dios nin Siria, asin sambahon siya. Patawadon logod ako nin Kagurangnan sa bagay na ini.”

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Salmo 78:41

Dakul na beses binalo ninda an Dios, asin pinaanggot an Banal na Dios nin Israel.

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mga Bilang 11:13

Saen ako makua nin karne na ipapakakan sainda gabos? Padagos sinda sa paghibi sa paghagad nin karne.

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Roma 3:3

Ano kun igwa sa saindang dai nagin maimbod? Magigin dahelan daw iyan na dai na magigin maimbod an Dios?

Deuteronomio 3:27

Magduman ka sa alitoktok kan Bukid nin Pisga asin mangalagkalag ka sa amihan, sa habagat, sa sirangan, asin sa solnopan. Maanan mo nin marahay an saimong mahihiling huli ta dai ka nanggad makakabalyo sa Jordan.

2 Timoteo 2:13

kun kita bakong maimbod, siya nagdadanay na maimbod, huli ta dai siya makakanegar sa sadiri niya.”