2 Mga Hade 7:13 - Marahay na Bareta Biblia

¹³ Nagsabi an saro kan mga opisyal, “Nakatalaan nang magadan an mga tawo digdi sa syudad, arog kan mga nagadan na. Kaya magsugo kita nin nagkapirang lalaki kaiba an limang natatada pang mga kabayo tanganing maaraman ta kun ano an nangyari.”

2 Mga Hade 7:13 ပူးပေါင်းရင်းမြစ်များ

2 Mga Hade 5:13

Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

2 Mga Hade 6:33

Dai pa haros natatapos an sinasabi ni Eliseo, nag-abot na an sugo saka nagsabi, “An kasakitan na ini dinara samo nin Kagurangnan! Tano ta mahalat pa ako sa Kagurangnan?”

2 Mga Hade 7:12

Nagbangon an hade kan bangging idto asin sinabihan an saiyang mga opisyal, “Sasabihon ko saindo kun ano an plano kan mga Siro! Aram ninda na nagugutom kita, kaya binayaan ninda an saindang kampo tanganing magtago sa kahiwasan. Iniisip ninda na maruluwas kita sa syudad. Kaya dadakopon ninda kita nin buhay, dangan sasakopon ninda an syudad.”

2 Mga Hade 7:14

Kaya nagpili sinda nin nagkapirang lalaki, na lunad sa duwang karwaheng sinugo kan hade, sa pagsiyasat sa kampo kan mga Siro.

2 Mga Hade 7:4

Mayo nin halaga kun maglaog kita sa syudad, huli ta magagadan man kita sa gutom duman; alagad kun magparaturukaw kita digdi, magagadan man giraray kita. Kaya magduman kita sa kampo kan mga taga Siria. An pinakamaraot na mangyayari sato iyo na pwedeng gadanon ninda kita, alagad tibaad iligtas ninda an satong buhay.”

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.