2 Mga Hade 6:8 - Marahay na Bareta Biblia

⁸ Kan an hade nin Siria nakikigera laban sa Israel, kinaolay niya an saiyang mga opisyal asin nagpili siya nin lugar na papatindogan kan saiyang kampo.

2 Mga Hade 6:8 ပူးပေါင်းရင်းမြစ်များ

1 Mga Hade 20:1

Tinipon ni Hadeng Ben-hadad nin Siria an gabos niyang hukbo, asin sa tabang kan treynta y dos na mga hade, kaiba an saindang mga kabayo saka mga karwahe, nagpasiring siya sa Samaria. Pinalibotan niya an Samaria dangan sinalakay.

1 Mga Hade 20:23

Nagsabi ki Hadeng Ben-hadad an saiyang mga opisyal, “An mga dios nin Israel iyo an mga dios kan kabukidan kaya nagkadaraog kita kan mga Israelita. Alagad kun sa kapatagan ta sinda lalabanan, siguradong madadaog ta sinda.

1 Mga Hade 20:34

Nagsabi saiya si Ben-hadad, “Ibabalik ko saimo an mga syudad na kinua kan sakong ama sa saimong ama. Pwede kang magpatindog nin mga tindahan sa Damasco, arog kan ginibo kan sakong ama sa Samaria.” Nagsimbag si Ahab, “Sa siring na mga kondisyon, tatalingkasan taka.” Nakipagtipan si Ahab ki Ben-hadad dangan pinahale na niya.

1 Mga Hade 22:1

An Israel saka an Siria dai nag-iwal sa laog nin tolong taon.

1 Mga Hade 22:31

Igwa kaidto nin pagboot an hade nin Siria sa saiyang treynta y dos na kapitan kan mga karwahe na mayo sindang ibang salakayon kundi an hade nin Israel sana.

2 Mga Hade 6:24

Dai nahaloy, tinipon ni Hadeng Ben-hadad nin Siria an bilog niyang hukbo asin pinalibotan an Samaria.

2 Mga Hade 6:7

“Kuaha na,” an pagboot niya. Kaya kinua kan lalaki an tarom kan patok.

2 Mga Hade 6:9

Alagad pinasabihan ni Eliseo an hade nin Israel, “Likayan mo nanggad an lugar na idto, huli ta naghihipa duman an mga taga Siro.”

Mga Talinhaga 20:18

Maootob an mga plano kun may matanos na hatol; makigera kun igwa nin matanos na plano.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.