2 Mga Hade 6:32 - Marahay na Bareta Biblia

³² Kaya nagsugo siya tanganing kuahon si Eliseo. Kan panahon na iyan, yaon si Eliseo sa saiyang harong asin kaolay an kamagurangan. Bago nag-abot an sugo kan hade, sinabihan ni Eliseo an kamagurangan, “An paragadan igwa nin sinugo tanganing pugotan ako! Pag-abot niya digdi, isera nindo an pintoan asin dai nindo siya pagpalaogon. Kasunod sana niya an hade.”

2 Mga Hade 6:32 ပူးပေါင်းရင်းမြစ်များ

1 Mga Hade 14:6

Alagad kan madangog ni Ahias na palaog na siya sa pintoan, nagsabi si Ahias, “Dagos, agom ni Jeroboam. Tadaw ta nagsasagin-sagin ka? Igwa ako nin maraot na bareta para saimo.

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

1 Mga Hade 21:10

Patukawon nindo sa atubangan niya an duwang mayong halagang mga tawo na masumbong nin siring laban saiya: ‘Minaldisyon ni Nabot an Dios saka an hade.’ Dangan iluwas nindo siya saka gapoon sagkod na magadan.”

1 Mga Hade 21:13

Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

2 Mga Hade 5:26

Alagad nagsabi si Eliseo, “Bakong idtoon ako sa espiritu kan maghilig sa saiyang karwahe an lalaki sa pagsabat saimo? Bako ini an panahon tanganing mag-ako nin kwarta asin mga gubing, nin kaolibahan saka mga ubasan, nin mga karnero saka mga baka, o mga sorogoon!

2 Mga Hade 6:12

Nagsimbag an saro sa sainda, “Mahal na hade, mayo samo nin kampi sa saiya. Si Eliseo na propeta sa Israel an nagsasabi sa saindang hade kan mga itinataram mo sa hilom.”

2 Mga Hade 7:17

Nangyari na ibinugtak kaidto kan hade an trangkahan kan syudad sa pamamahala kan kapitan; tinirimaktimakan siya kan mga tawo duman sa trangkahan asin nagadan, siring kan sinabi ni Eliseo kan an hade magduman saiya,

Jeremias 11:18

Ipinaaram sako kan Kagurangnan an mga plano laban sako na ginigibo kan sakong mga kaiwal.

Jeremias 32:3

Ibinilanggo ako duman ni Hadeng Zedekias huli kan pagpahayag ko na an Kagurangnan nagtaram nin siring, “Ipapasakop ko an syudad na ini sa hade nin Babilonia

Ezekiel 14:1

Nagkapira sa mga lider nin Israel an nagdolok sako sa paghapot kan kabotan nin Kagurangnan.

Ezekiel 20:1

Kan ikasampolong aldaw kan ikalimang bulan kan ikapitong taon nin samong pagkatapokan, dinolok ako kan nagkapira sa mga kamagurangan nin Israel tanganing makihumapot dapit sa kabotan nin Kagurangnan, asin nagturukaw sinda sa atubangan ko.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Ezekiel 8:1

Kan ikalimang aldaw kan ikaanom na bulan kan ikaanom na taon nin samuyang pagkatapokan, mantang nagtutukaw ako sa harong kaiba an mga kamagurangan nin Juda, nag-abot sako an kapangyarihan kan Kagurangnan Dios.

Lukas 13:32

Alagad sinimbag sinda ni Jesus, “Sabihan nindo an amid na iyan, ‘Ngunyan na aldaw asin sa aga, magpapaluwas ako nin mga demonyo saka magbobolong; sa ikatolong aldaw, matatapos na an gibo ko.’