2 Mga Hade 6:23 - Marahay na Bareta Biblia

²³ Kaya nag-andam an hade nin Israel nin dakulang bangkete; nagkakan an mga taga Siria saka nag-inom, dangan nagbalik sinda sa saindang hade. Magpoon kaidto, dai na sinalakay kan mga taga Siria an daga nin Israel.

2 Mga Hade 6:23 ပူးပေါင်းရင်းမြစ်များ

2 Mga Hade 24:2

An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

2 Mga Hade 5:2

Sa sarong pagsalakay kan mga Siro laban sa Israel, nabihag ninda an sarong aking babae na Israelita, na nagin sorogoon kan agom ni Naaman.

2 Mga Cronica 28:15

Nagtindog an apat na lalaking nasambit dangan nagkua nin mga gubing sa sinamsam asin ginubingan an mga hubang bihag, tinawan nin sandalyas, kakanon saka inomon asin linahidan nin lana an mga lugad. An mga pinanluluya ilinunad ninda sa mga asno dangan dinara sa saindang mga kadugo sa Jerico, an syudad nin mga palma. Dangan an gabos na Israelita nagpuli sa saindang mga harong sa Samaria.

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Mateo 5:47

Kun an ineestimar nindo mga katood sana, ano an ginigibo nindong orog ki sa ginigibo nin iba? Bakong siring man kaiyan an ginigibo kan mga pagano?

Lukas 6:35

Bakong arog kaiyan! Kundi kamotan nindo an saindong mga kaiwal asin gibohan nindo sinda nin marahay. Magpasubli kamo na dai naghahalat nin balos. Kun iyan an gibohon nindo, magkakaigwa kamo nin dakulang balos, asin magigin mga aki kamo kan Kahorohalangkawe. Huli ta marahayon siya sa mga mayo nin utang na boot asin sa mga makasadiri.