2 Mga Hade 6:10 - Marahay na Bareta Biblia

¹⁰ Kaya pinatanidan kan hade nin Israel an mga lalaki na nag-eerok sa lugar na idto, asin nagbantay sinda. Nangyari ini nin nagkapirang beses.

2 Mga Hade 6:10 ပူးပေါင်းရင်းမြစ်များ

1 Mga Hade 20:15

Kaya tinipon ni Ahab an mga hoben na soldados na sakop kan mga gobernador kan mga distrito—dos syentos treynta y dos sinda gabos. Dangan tinipon niya an hukbo nin Israel na syete mil gabos.

2 Mga Hade 13:14

Si Eliseo nagkaigwa nin grabeng helang, asin kan siya naghihingagdan na, dinalaw siya ni Hadeng Jehoas nin Israel. Nagsabi si Jehoas mantang naghihibi, “Ama ko, ama ko! Ika an nagin makosog na parasurog nin Israel!”

2 Mga Hade 2:12

Nahiling ini ni Eliseo asin nagkurahaw siya ki Elias, “Ama ko, ama ko! Makosog na parasurog nin Israel! Mayo ka na!” Asin dai na niya nahiling si Elias. Sa kamondoan, ginisi ni Eliseo an saiyang gubing sa duwang kabtang.

2 Mga Hade 5:14

Kaya naglugsot siya sa Jordan, luminadop nin pitong beses, sosog sa tataramon ni Eliseo asin an saiyang kublit nagin siring sa kublit nin sadit na aki; nagin malinig siya.

2 Mga Hade 6:11

Huli kaini napurisaw an hade nin Siria; ipinaapod niya an saiyang mga opisyal asin hinapot, “Siisay saindo an kampi sa hade nin Israel?”

2 Mga Hade 6:9

Alagad pinasabihan ni Eliseo an hade nin Israel, “Likayan mo nanggad an lugar na idto, huli ta naghihipa duman an mga taga Siro.”

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Mga Talinhaga 27:12

Minatago an madonong kun may nahihiling na pag-alaman, alagad dai minalikay an mangmang asin pinagdudusahan niya iyan.

Jeremias 11:18

Ipinaaram sako kan Kagurangnan an mga plano laban sako na ginigibo kan sakong mga kaiwal.

Mateo 2:12

Pinatanidan sinda nin Dios sa pangatorogan na dai na magbalik ki Herodes. Kaya ibang dalan an saindang inagihan pagpuli.

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Mga Gibo 27:24

Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.