2 Mga Hade 5:26 - Marahay na Bareta Biblia

²⁶ Alagad nagsabi si Eliseo, “Bakong idtoon ako sa espiritu kan maghilig sa saiyang karwahe an lalaki sa pagsabat saimo? Bako ini an panahon tanganing mag-ako nin kwarta asin mga gubing, nin kaolibahan saka mga ubasan, nin mga karnero saka mga baka, o mga sorogoon!

2 Mga Hade 5:26 ပူးပေါင်းရင်းမြစ်များ

Genesis 14:23

na dai ako makua nin ano man na sadiri mo, minsan torsido o sintas kan sandalyas, tanganing dai mo masabing, ‘Ako an nagpayaman ki Abram!’

2 Mga Hade 5:16

Nagsimbag si Eliseo, “Huli sa ngaran kan buhay na Kagurangnan na sakong pinaglilingkodan, ako minasumpa na dai ako maako nin regalo.” Pinirit si Eliseo ni Naaman alagad nagsayuma siya.

2 Mga Hade 6:12

Nagsimbag an saro sa sainda, “Mahal na hade, mayo samo nin kampi sa saiya. Si Eliseo na propeta sa Israel an nagsasabi sa saindang hade kan mga itinataram mo sa hilom.”

Salmo 63:11

Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.

Mga Talinhaga 12:19

Halipot an buhay kan kaputikan, alagad nabubuhay sagkod lamang an katotoohan.

Mga Talinhaga 12:22

Nauuyam an Kagurangnan sa mga putikon, alagad nawiwili siya sa mga tawong nag-ootob kan saindang panuga.

Jeremias 45:5

Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Hageo 1:4

“Banwaan ko, tano ta nag-eerok kamo sa marahay na pagkatugdok na mga harong mantang raot an sakong Templo?

Mateo 10:8

Bolongon nindo an mga naghehelang, buhayon liwat an mga gadan, linigan an mga daoton, asin paluwason an mga demonyo. Nag-ako kamo na mayo nin bayad, kaya magtao man kamo na mayo nin bayad.

Mga Gibo 20:33

Dai ko minawot an plata o bulawan o gubing nin siisay man.

Mga Gibo 20:35

Ipinahiling ko saindo sa gabos na bagay, na sa paagi nin pagtrabaho nin maigot, dapat na tabangan ta an mga maluluya, asin giromdomon an mga tataramon na sinabi kan Kagurangnan na Jesus, ‘Mas paladan an nagtatao ki kan nag-aako.’”

Mga Gibo 5:9

Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

1 Corinto 5:3

Huli ta maski harayo ako saindo sa hawak, kaiba nindo ako sa espiritu; hinukoman ko na an tawong naggibo kan bagay na iyan, na garo man sana ako yaon sa kaibahan nindo.

Colosas 2:5

Maski mayo ako diyan, alagad kaiba nindo ako sa espiritu; maogma ako huli ta nahihiling kong nagkakasararo kamong pusog sa pagtubod ki Cristo.