2 Mga Hade 5:25 - Marahay na Bareta Biblia

²⁵ Naglaog giraray siya sa harong asin nagtindog sa atubangan ni Eliseo. Hinapot ni Eliseo si Gehazi, “Saen ka hale, Gehazi?” “Dai man ako naghale,” an simbag niya.

2 Mga Hade 5:25 ပူးပေါင်းရင်းမြစ်များ

Genesis 16:8

Hinapot siya kan anghel, “Hagar, oripon ni Sarai, saen ka hale asin saen ka maduman?” Nagsimbag siya, “Nagdudulag ako ki Sarai na sakong kagurangnan.”

Genesis 4:9

Hinapot nin Kagurangnan si Cain, “Haen si Abel na saimong tugang?” Nagsimbag siya, “Dai ko aram. Ano ako, paraataman kan sakong tugang?”

2 Mga Hade 20:14

Dangan nagduman an propetang si Isaias ki Hadeng Ezekias asin naghapot, “Saen hale an mga lalaking ini? Ano an sinabi ninda saimo?” Nagsimbag si Ezekias, “Hale sinda sa harayong nasyon, sa Babilonia.”

2 Mga Hade 5:22

“Mayo man,” an simbag ni Gehazi. “Alagad sinugo ako kan sakong kagurangnan tanganing taraman ka na nag-abot pa sana an duwang kaayon sa grupo nin mga propeta hale sa mabulod na daga nin Efraim. Boot niya na tawan mo sinda nin tolong ribong pedaso nin plata asin duwang magayon na gubing.”

2 Mga Cronica 26:19

Yaon duman si Uzzias nagtitindog sa Templo, harani sa altar nin insenso asin may kapot na insensaryo. Naanggot siya sa mga padi, asin tolos-tolos na nagkaigwa siya nin nakakatakot na helang sa kublit sa saiyang angog.

Mga Talinhaga 30:20

Siring kaini an ginigibo kan babaeng nagpapasambay: nakikidorog siya sa lalaki, minakarigos, dangan minasabi, “Mayo ako nin ginibong maraot!”

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Mateo 26:21

Mantang nagkakakan, nagtaram si Jesus, “Sa katotoohan sinasabihan ko kamo, saro saindo an mapasaluib sako.”

Juan 13:2

Namamanggi si Jesus asin an saiyang mga disipulo. Ipinasabong na kan demonyo ki Judas, aki ni Simon Iscariote, an pagpasaluib ki Jesus.

1 Samuel 10:14

Si Saul asin an saiyang sorogoon nahiling kan tiyo ni Saul asin naghapot, “Saen kamo hale?” “Naghahanap kan mga asno,” an simbag ni Saul. “Kan dai mi nakua, nagduman kami ki Samuel.”