2 Mga Hade 5:20 - Marahay na Bareta Biblia

²⁰ nagsaboot si Gehazi na sorogoon ni Eliseo, “Pinahale kan sakong kagurangnan si Naaman na dai nagbayad. Inako niya kutana an dinara saiya kan Siro. Huli sa ngaran kan buhay na Kagurangnan lalamagon ko siya asin makua ako sa saiya nin maski ano.”

2 Mga Hade 5:20 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

2 Mga Hade 13:19

Huli kaini, naanggot si Eliseo kaya sinabihan niya an hade, “Nagpana ka kutana nin lima o anom na beses, dangan bilog na panggana kutana an makakamtan mo laban sa mga taga Siria. Alagad ngunyan tolong beses mo sana sindang madadaog.”

2 Mga Hade 4:12

Sinabihan ni Eliseo si Gehazi na saiyang sorogoon, “Apoda an Sunamita.” Pag-abot kan babae,

2 Mga Hade 4:25

Kaya naglakaw siya asin nakaabot sa Bukid nin Carmelo, saen nag-ontok si Eliseo. Harayo pa, nahiling na ni Eliseo an nagdadangadang na Sunamita, kaya sinabihan niya si Gehazi na saiyang sorogoon, “An Sunamita iyan na nagdadangadang.

2 Mga Hade 4:31

Nag-enot si Gehazi asin ibinugtak an sugkod sa lalawogon kan aki, alagad mayo nin tingog o ano man na tanda na mabubuhay an aki. Kaya nagbalik siya asin nagsabat ki Eliseo. Nagsabi siya, “Dai nagmata an aki.”

2 Mga Hade 4:36

Inapod ni Eliseo si Gehazi saka sinabihan na apodon an Sunamita. Pakalaog kan babae, nagsabi si Eliseo, “Uya an saimong aki.”

2 Mga Hade 5:16

Nagsimbag si Eliseo, “Huli sa ngaran kan buhay na Kagurangnan na sakong pinaglilingkodan, ako minasumpa na dai ako maako nin regalo.” Pinirit si Eliseo ni Naaman alagad nagsayuma siya.

2 Mga Hade 5:21

Kaya linamag ni Gehazi si Naaman. Kan mahiling ni Naaman na may naglalamag saiya, naghilig siya sa saiyang karwahe sa pagsabat saiya. Naghapot siya, “Ano an nangyari?”

2 Mga Hade 6:31

Nagsabi an hade, “Gadanon logod ako nin Dios kun dai ko papugotan si Eliseo ngunyan na aldaw!”

2 Mga Hade 8:4

Inabotan niya an hade na kaolay si Gehazi, an sorogoon ni Eliseo. Boot kan hade na maaraman an mga milagro ni Eliseo.

2 Mga Hade 8:7

May helang si Hadeng Ben-hadad nin Siria kan magduman si Eliseo sa Damasco. Kan maosipan an hade na yaon duman si Eliseo,

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Mga Talinhaga 26:16

An paghona kan hugakon mas madonong siya ki sa pitong tawo na tataong magsimbag.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Habakkuk 2:9

Herak man saindo na nagpayaman kan saindong mga pamilya, huli sa mga nakua nindo sa paagi nin kadahasan! Hiningowa nindong magin ligtas an sadiri nindong harong,

Mateo 10:4

si Simon na Cananeo asin si Judas Iscariote na nagpasaluib ki Jesus.

Mateo 26:9

Ikinapabakal kutana iyan nin mahal nganing natabangan an mga dukha!”

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Juan 13:2

Namamanggi si Jesus asin an saiyang mga disipulo. Ipinasabong na kan demonyo ki Judas, aki ni Simon Iscariote, an pagpasaluib ki Jesus.

Juan 6:70

Nagsimbag si Jesus, “Bakong ako an nagpili saindong dose? Alagad diablo an saro saindo!”

Mga Gibo 5:2

Pakapabakalan ninda kan daga, tinago ni Ananias an ibang kwarta kan kabaklan; aram ini kan agom niya. An natada kan kabaklan itinao niya sa mga apostol.

2 Timoteo 4:10

Namoot na si Demas sa gawe kan kinaban, kaya binayaan niya ako; nagduman siya sa Tesalonica. Si Crescente nagduman sa Galacia, asin si Tito sa Dalmacia.

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

1 Samuel 14:39

Isinusumpa ko sa buhay na Kagurangnan, na nagliligtas sa Israel, na gagadanon an nagkasala, maski siya iyo an sakong aking si Jonatan.” Alagad mayo nin siisay man na nagsimbag ki Saul.