2 Mga Hade 5:16 - Marahay na Bareta Biblia

¹⁶ Nagsimbag si Eliseo, “Huli sa ngaran kan buhay na Kagurangnan na sakong pinaglilingkodan, ako minasumpa na dai ako maako nin regalo.” Pinirit si Eliseo ni Naaman alagad nagsayuma siya.

2 Mga Hade 5:16 ပူးပေါင်းရင်းမြစ်များ

1 Mga Hade 13:8

Nagsimbag an propeta, “Maski pa itao mo sako an kabanga kan saimong kayamanan, dai ako maiba saimo; dai ako makakan nin tinapay o mainom nin tubig sa lugar na ini.

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

1 Mga Hade 18:15

Nagsimbag si Elias, “Sa ngaran kan buhay na Kagurangnan nin mga hukbo, na sakong pinaglilingkodan, nanunuga ako na mapahiling ako saiya ngunyan na aldaw.”

2 Mga Hade 3:14

Nagsimbag si Eliseo, “Minasumpa ako sa buhay na Kagurangnan nin mga hukbo na sakong pinaglilingkodan, na kun bakong huli sa paggalang ko ki Jehosafat na hade nin Juda, dai ako makikilabot saimo.

2 Mga Hade 5:20

nagsaboot si Gehazi na sorogoon ni Eliseo, “Pinahale kan sakong kagurangnan si Naaman na dai nagbayad. Inako niya kutana an dinara saiya kan Siro. Huli sa ngaran kan buhay na Kagurangnan lalamagon ko siya asin makua ako sa saiya nin maski ano.”

2 Mga Hade 5:26

Alagad nagsabi si Eliseo, “Bakong idtoon ako sa espiritu kan maghilig sa saiyang karwahe an lalaki sa pagsabat saimo? Bako ini an panahon tanganing mag-ako nin kwarta asin mga gubing, nin kaolibahan saka mga ubasan, nin mga karnero saka mga baka, o mga sorogoon!

Daniel 5:17

Nagsimbag si Daniel, “Dai mo na ako pagtawan nin mga regalo. Itao mo na sana iyan sa iba. Alagad babasahon ko para saimo an isinurat asin sasabihon ko saimo an kahulogan kaiyan.

Mateo 10:8

Bolongon nindo an mga naghehelang, buhayon liwat an mga gadan, linigan an mga daoton, asin paluwason an mga demonyo. Nag-ako kamo na mayo nin bayad, kaya magtao man kamo na mayo nin bayad.

1 Corinto 6:12

May masabing, “Tinugotan akong maggibo maski ano.” Totoo iyan, alagad bakong gabos na bagay ikakarahay mo. Pwede kong sabihon, “Tinutugotan akong maggibo maski ano,” alagad dai ko tutugotan na oriponon ako kan anoman na bagay.

2 Corinto 12:14

Ikatolong beses na ini ngunyan na andam akong magsongko saindo. Dai ako mahagad nin anoman na makakapagabat saindo. Kamo an tuyo ko, bakong an kwarta nindo; huli ta, an mga aki dai dapat magtipon para sa saindang mga magurang, kundi an mga magurang an dapat magtipon para sa saindang mga aki.