2 Mga Hade 5:15 - Marahay na Bareta Biblia

¹⁵ Nagbalik siya ki Eliseo kaiba an gabos niyang tawohan dangan nagsabi, “Ngunyan naaaraman ko na mayo nin Dios sa bilog na daga kundi sa Israel sana. Kaya nakikimaherak ako na akoon mo an regalong hale sako.”

2 Mga Hade 5:15 ပူးပေါင်းရင်းမြစ်များ

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

1 Mga Hade 13:7

Dangan nagsabi an hade sa propeta, “Umiba ka sako sa harong ko tanganing makakakan ka. Babalosan taka huli kan saimong ginibo.”

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

2 Mga Hade 19:15

dangan namibi, “O Kagurangnan, Dios nin Israel, na nakatukaw sa trono sa ibabaw kan mga Kerubin. Ika sana an Dios kan gabos na kahadean sa daga. Ika an naglalang kan langit asin daga.

2 Mga Hade 19:19

O Kagurangnan na samong Dios, nakikimaherak ako, iligtas mo kami sa mga taga Asiria, tanganing maaraman kan mga nasyon sa kinaban na ika sana, O Kagurangnan, an Dios.”

2 Mga Hade 5:8

Kan maaraman ini ni propeta Eliseo, nagpasabi siya sa hade, “Tano ta ginisi mo an saimong gubing? Padigdiha siya sako ngunyan tanganing maaraman niya na igwa nin propeta sa Israel!”

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 45:6

Ginigibo ko ini tanganing an gabos magpoon sa sarong poro kan kinaban sagkod sa ibong na poro makaaram na ako an Kagurangnan asin pwera sako mayo na nin ibang dios.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Roma 10:10

An siisay man na nagtutubod nin tudok sa puso, nagigin matanos sa Dios; an siisay man na nagpapahayag kan pagtubod niya, nakakaligtas.

2 Corinto 9:5

Naisipan kong paenoton sako na magdiyan saindo ining mga tugang sa pag-andam kan limos na ipinanuga nindo, tanganing andam na iyan pag-abot ko. Magpapahiling iyan na talagang tudok sa boot nindo an pagtao, bakong napiritan sana kamo.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.

Josue 9:9

Dangan nag-istorya sinda: “Hale kami sa sarong lugar na harayo nin marahay, huli ta nadangog mi an manongod sa Kagurangnan na saindong Dios. Nadangog mi an gabos na ginibo niya sa Egipto

1 Samuel 25:27

Ngunyan, akoa ining regalo na dinara ko saimo; tawan ini sa saimong mga tawohan.

1 Samuel 9:7

Naghapot si Saul, “Kun magduman kita, ano an ikakatao ta saiya? Mayo nang natada sa satong balon na pagkakan; mayo kita maski anong bagay na pwedeng ikatao saiya.”