2 Mga Hade 5:13 - Marahay na Bareta Biblia

¹³ Alagad nagrani saiya an mga sorogoon niya asin nagsabi, “Kagurangnan, kun pagbotan ka kan propeta na gumibo nin sarong dakulang bagay, dai mo daw gigibohon iyan? Kaya tadaw ta dai ka maghugas siring kan saiyang sinabi tanganing maomayan?”

2 Mga Hade 5:13 ပူးပေါင်းရင်းမြစ်များ

Genesis 41:43

Tinawan man si Jose kan hade kan ikaduwa niyang karwahe tanganing lunadan niya kaiba an mga bantay na maeenot sa saiya asin magkukurahaw, “Luhod kamo!” Sa siring na paagi nagin gobernador si Jose kan bilog na Egipto.

1 Mga Hade 20:23

Nagsabi ki Hadeng Ben-hadad an saiyang mga opisyal, “An mga dios nin Israel iyo an mga dios kan kabukidan kaya nagkadaraog kita kan mga Israelita. Alagad kun sa kapatagan ta sinda lalabanan, siguradong madadaog ta sinda.

1 Mga Hade 20:31

Nagduman saiya an mga opisyal niya asin nagsabi, “Naaraman mi na maheherakon an mga hade sa Israel. Tugote kaming magduman sa hade nin Israel na nahahagkosan nin sako an samong mga habayan asin nagagakodan nin lubid an samong mga liog. Tibaad dai ka niya ipagadan.”

2 Mga Hade 13:14

Si Eliseo nagkaigwa nin grabeng helang, asin kan siya naghihingagdan na, dinalaw siya ni Hadeng Jehoas nin Israel. Nagsabi si Jehoas mantang naghihibi, “Ama ko, ama ko! Ika an nagin makosog na parasurog nin Israel!”

2 Mga Hade 2:12

Nahiling ini ni Eliseo asin nagkurahaw siya ki Elias, “Ama ko, ama ko! Makosog na parasurog nin Israel! Mayo ka na!” Asin dai na niya nahiling si Elias. Sa kamondoan, ginisi ni Eliseo an saiyang gubing sa duwang kabtang.

2 Mga Hade 5:10

Pinaluwas ni Eliseo an sarong sorogoon tanganing magsabi, “Lakaw, maghugas ka nin pitong beses sa Salog nin Jordan asin an saimong kublit maoomayan saka magigin malinig.”

2 Mga Hade 5:3

Sarong aldaw nagsabi an aking babae sa kagurangnan niyang babae, “Mawot ko na makaduman an sakong kagurangnan sa propeta na nag-eerok sa Samaria! Papaomayan niya siya kan saiyang helang.”

2 Mga Hade 6:21

Kan mahiling sinda kan hade nin Israel, naghapot siya ki Eliseo, “Boot mong gadanon ko sinda? Boot mong gadanon ko sinda?”

2 Mga Hade 8:9

Kaya kinargahan ni Hazael an kwarentang kamelyo nin manlaen-laen na produkto kan Damasco asin nagduman ki Eliseo. Kan nasa atubangan na ni Eliseo si Hazael, nagsabi ini, “Sinugo ako kan saimong sorogoon na si Hadeng Ben-hadad tanganing hapoton ka kun mararahay pa siya sa saiyang helang o dai na.”

Salmo 51:2

Hugasi ako kan gabos kong karatan; linigi ako kan sakong mga kasalan!

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Isaias 1:16

Maghanaw ka; maglinig ka kan saimong sadiri; halea an maraot mong mga gibo sa atubang ko; mag-ontok ka sa paggibo nin karatan,

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Mateo 23:9

Dai kamo magpaapod na ‘Ama’ sa kiisay man sa kinaban na ini, huli ta saro sana an saindong Ama, na nasa langit.

Juan 13:8

Nagsimbag si Simon Pedro, “Sagkod pa man dai ka mahanaw kan sakong mga bitis!” “Kun dai ko hanawan an mga bitis mo,” sabi ni Jesus, “Bako taka nang disipulo.”

Juan 9:7

Nagsabi siya sa buta, “Dumuman ka sa tangke nin tubig sa Siloe, dangan maglabar ka duman.” (An boot sabihon kan Siloe, “Sinugo.”) Ginibo ini kan lalaki, asin pagbalik niya nakakahiling na siya.

Mga Gibo 22:16

Ngunyan, ano pa an pinaghahalat mo? Tumindog ka asin magpabunyag. Mag-apod ka sa ngaran kan Kagurangnan nganing patawadon ka kan mga kasalan mo.’

1 Corinto 1:21

Huli sa kadonongan nin Dios, ginibo niyang imposible para sa mga tawo na mamidbidan siya sa paagi kan sadiri nindang kadonongan. Alagad pinagmarahay nin Dios na iligtas an mga minatubod saiya huli kan Marahay na Bareta na ipinaghuhulit mi, maski sa paghona kan ibang mga tawo an mensaheng iyan kalolongan.

1 Corinto 1:27

Alagad tuyong pinili nin Dios an mga tawong mangmang sa kinaban tanganing mapasopog an mga madonong. Pinili niya an mga tawong maluya sa kinaban tanganing mapasopog an mga makosog.

1 Corinto 4:15

Huli ta maski igwa kamo nin sampolong ribong giya ki Cristo, saro sana an ama nindo. Ako an nagin ama nindo ki Cristo Jesus huli sa paghulit ko kan Marahay na Bareta saindo.

Tito 3:5

ilinigtas niya kita, bakong huli sa anoman na gibo tang matanos, kundi huli kan saiyang pagkaherak. Ilinigtas niya kita sa paagi kan paghugas sato kan tubig nin bagong pagkamundag asin bagong buhay sa Espiritu Santo.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

1 Pedro 3:21

An tubig na idto tanda kan bunyag na iyo an nagliligtas saindo ngunyan. An bunyag bakong paghugas kan ati sa hawak kundi sarong panuga sa Dios gikan sa malinig na konsyensya. Iliniligtas kamo kan bunyag sa paagi kan pagkabuhay liwat ni Jesu-Cristo.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.

1 Samuel 28:23

Nagsayuma si Saul asin nagsabing habo siyang magkakan. Alagad pinirit siya kan saiyang mga opisyal saka kan babae sagkod na mapiritan siya. Nagtindog siya, asin nagtukaw sa higdaan.