2 Mga Hade 5:12 - Marahay na Bareta Biblia

¹² Bakong an mga Salog nin Damasco, an Abana saka an Farpar, orog na marahay ki sa gabos na katubigan nin Israel? Dai daw ako pwedeng maghugas duman asin magin malinig?”

2 Mga Hade 5:12 ပူးပေါင်းရင်းမြစ်များ

2 Mga Hade 2:14

Pinakol niya an tubig kan alikboy saka nagsabi, “Haen an Kagurangnan, an Dios ni Elias?” Dangan pinakol niya giraray an tubig, asin nabanga ini; naglakaw si Eliseo pasiring sa ibong kan salog.

2 Mga Hade 2:8

Dangan hinuba ni Elias an saiyang alikboy, linukot asin ipinakol sa tubig. Nabanga an tubig, asin nag-agi sinda sa mamarang daga pasiring sa ibong kan salog.

2 Mga Hade 5:11

Alagad anggot na naghale si Naaman. Nagsabi siya, “Naghohona ako na maluwas man lamang siya, mamimibi sa Kagurangnan na saiyang Dios, iiitaas an saiyang kamot sa sakong mga lugad, asin bobolongon an sakong helang!

2 Mga Hade 5:17

Kaya nagsabi si Naaman, “Kun habo mong akoon an sakong regalo, nakikimaherak ako saimo na tawan mo ako nin daga na kayang darahon nin duwang mula, daga na dadarahon ko pagpuli ko sa harong. Huli ta magpoon ngunyan dai na ako madolot nin mga sakripisyo o mga tinutong na atang sa ibang dios, kundi sa Kagurangnan.

Mga Talinhaga 14:17

An tawong mainit an payo nakakaginibo nin kalolongan; an tawong madonong nagdadanay na toninong.

Mga Talinhaga 16:32

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

Mga Talinhaga 19:11

An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Awit nin mga Awit 4:8

Sakong agom, umiba ka sako hale sa kabukidan nin Lebanon; umiba ka sako hale sa Lebanon. Lumogsot ka hale sa alitoktok kan Bukid nin Amana, hale sa Bukid nin Senir asin Bukid nin Hermon, saen nag-eerok an mga leopardo asin mga leon.

Jeremias 49:23

Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Zacarias 14:8

Pag-abot kan aldaw na iyan, mabulos hale sa Jerusalem an preskong tubig; an kabanga kaiyan mapasiring sa Gadan na Dagat asin sa Mediteraneo an kabanga. Magbubulos iyan sa bilog na taon, tig-init man o tig-lipot.

Markos 1:9

Dai nahaloy nag-abot si Jesus hale sa Nazaret nin Galilea asin binunyagan ni Juan sa Salog nin Jordan.