2 Mga Hade 5:10 - Marahay na Bareta Biblia

¹⁰ Pinaluwas ni Eliseo an sarong sorogoon tanganing magsabi, “Lakaw, maghugas ka nin pitong beses sa Salog nin Jordan asin an saimong kublit maoomayan saka magigin malinig.”

2 Mga Hade 5:10 ပူးပေါင်းရင်းမြစ်များ

2 Mga Hade 2:21

dangan nagduman si Eliseo sa burabod nin tubig. Itinapok ni Eliseo sa tubig an asin dangan nagsabi, “Iyo ini an sinasabi nin Kagurangnan: ‘Lininigan ko na an tubig na ini. Dai na ini magigin dahelan nin kagadanan o nin pagkakuahe sa mga bados.’”

2 Mga Hade 3:16

Nagsabi si Eliseo, “Iyo ini an sinasabi nin Kagurangnan; ‘Magpakalot ka sa palibot kan mamarang sapa na ini.

2 Mga Hade 4:35

Nagtindog si Eliseo, naglakaw-lakaw sa kwarto, dangan nagbalik asin dinapaan giraray an aki. Nagbahon nin pitong beses an aki saka nagmuklat kan saiyang mga mata.

2 Mga Hade 4:41

Naghagad si Eliseo nin kadikit na arina, itinapok idto sa koron, saka nagsabi, “Luwaga na nindo an linuto tanganing magkakan an mga lalaki.” Asin mayo na an maraot na namit kan linuto.

2 Mga Hade 5:11

Alagad anggot na naghale si Naaman. Nagsabi siya, “Naghohona ako na maluwas man lamang siya, mamimibi sa Kagurangnan na saiyang Dios, iiitaas an saiyang kamot sa sakong mga lugad, asin bobolongon an sakong helang!

2 Mga Hade 5:14

Kaya naglugsot siya sa Jordan, luminadop nin pitong beses, sosog sa tataramon ni Eliseo asin an saiyang kublit nagin siring sa kublit nin sadit na aki; nagin malinig siya.

2 Mga Hade 5:9

Kaya nagduman si Naaman kaiba an saiyang mga kabayo asin mga karwahe; nag-ontok siya sa may pintoan kan harong ni Eliseo.

Exodo 4:18

Nagpuli si Moises sa panugangan niyang si Jetro asin nagsabi, “Tugote akong magbalik sa Egipto. Aaramon ko kun buhay pa an sakong mga kadugo duman.” Tinugotan siya ni Jetro dangan benendisyonan.

Levitico 13:58

Kun linabahan niya an gamit asin nawara an alamag, kaipuhan labahan niya iyan giraray tanganing magin malinig.

Levitico 14:16

dangan idodotdot niya digdi an muro kan too niyang kamot asin pitong beses siyang mawirik kaiyan sa atubang nin Kagurangnan.

Levitico 14:51

Pakatapos, kukuahon niya an sedro, an isopo saka an mapulang pisi, patin an buhay na gamgam; ibubuntog niya an mga iyan sa dugo kan ginadan na gamgam asin sa tubig. Dangan pitong beses niyang wiwirikan kaini an harong.

Levitico 14:7

Dangan pitong beses niyang wiwirikan kan dugo an tawong lilinigan kan helang sa kublit, asin ipapahayag niyang malinig na ini. Pakatapos, papalayogon niya sa kaawagan an buhay na gamgam.

Levitico 16:14

Makua siya kan dugo kan toro dangan sa paagi kan saiyang muro wiwirikan niya an atubangan kan takop asin pitong beses niyang wiwirikan an atubangan kan Kaban nin Tipan.

Levitico 16:19

Sa paagi kan saiyang muro, pitong beses niyang wiwirikan nin dugo an altar. Sa paaging ini, lilinigan niya an altar sa mga kasalan kan mga Israelita asin papakabanalon niya an altar.

Mga Bilang 19:19

Sa ikatolo asin sa ikapitong aldaw, wiwirikan niya an maating tawo. Sa ikapitong aldaw, lilinigan niya an tawo, na pakalaba kaini kan mga gubing asin pakakarigos, magigin malinig pagsolnop kan aldaw.

Mga Bilang 19:4

Makua si Eleazar nin dikit na dugo kan hayop sa paagi kan saiyang muro, dangan pitong beses niyang iwiwirik iyan sa direksyon kan Tabernakulo.

Juan 5:4

huli ta igwa nin panahon na minahilig sa tangke an anghel nin Kagurangnan asin hinihiro an tubig. An maenot na bumuntog sa tubig pakahiroa kaiyan, naoomayan.

Juan 9:7

Nagsabi siya sa buta, “Dumuman ka sa tangke nin tubig sa Siloe, dangan maglabar ka duman.” (An boot sabihon kan Siloe, “Sinugo.”) Ginibo ini kan lalaki, asin pagbalik niya nakakahiling na siya.

1 Corinto 6:11

An iba saindo arog kaiyan kaidto. Alagad pinatawad na kamo kan saindong kasalan; idinolot na kamo sa Dios. Nagin matanos na kamo sa Dios huli ki Jesu-Cristong Kagurangnan asin huli kan Espiritu nin satong Dios.

Josue 6:4

Mangengenot sa Kaban nin Tipan an pitong padi, na an lambang saro may darang trompeta. Sa ikapitong aldaw, mamartsa ka asin an saimong mga soldados nin pitong beses sa palibot kan syudad mantang pinapatanog kan mga padi an saindang mga trompeta.