2 Mga Hade 4:43 - Marahay na Bareta Biblia

⁴³ Alagad nagsimbag an saiyang sorogoon, “Magkanigo daw ini sa sanggatos na lalaki?” Nagsimbag si Eliseo, “Tawan mo kaiyan an mga lalaki tanganing magkakan sinda, huli ta ini an sinasabi nin Kagurangnan, ‘Makakan sinda asin may matatada pa.’”

2 Mga Hade 4:43 ပူးပေါင်းရင်းမြစ်များ

Mga Bilang 11:13

Saen ako makua nin karne na ipapakakan sainda gabos? Padagos sinda sa paghibi sa paghagad nin karne.

Mga Bilang 11:23

Tinaraman nin Kagurangnan si Moises, “Igwa daw nin kasagkoran an sakong kapangyarihan? Mahihiling mo ngunyan kun mangyayari an sakong itinaram o dai!”

Mateo 14:20

Nagkarakan an gabos asin nagkabarasog. Pakatapos, tiniripon kan mga disipulo an mga natada, asin doseng basket pa an napano.

Mateo 15:37

Nagkarakan an gabos asin nagkabarasog. Tinipon kan mga disipulo an mga natada, asin pitong basket pa an napano.

Markos 8:20

“Kan baraakon ko an pitong tinapay na ipinakakan sa apat na ribo katawo, pirang basket an napano kan natada?” “Pito,” an simbag ninda.

Markos 8:4

Nagsimbag an saiyang mga disipulo, “Saen kita makua nin ipapakakan sa mga tawong ini digdi sa kalangtadan?”

Lukas 9:13

Alagad sinabihan sinda ni Jesus, “Tawe nindo sinda nin makakakan.” Alagad nagsabi sinda, “Igwa sana kita nin limang tinapay asin duwang sira, pwera sana kun magbakal kami nin kakanon para sa gabos na tawong ini.”

Lukas 9:17

Nagkarakan an gabos sagkod na nagkabarasog. Pakatapos, tinipon kan mga disipulo an mga natada asin doseng basket an napano.

Juan 6:9

“Igwa nin aking lalaki digdi na may limang tinapay na sebada asin duwang sira. Alagad gurano man iyan sa kadakul na tawong ini?”