2 Mga Hade 4:39 - Marahay na Bareta Biblia

³⁹ Saro sa sainda an nagpaoma tanganing magkua nin gulayon. Nakahiling siya nin sarong balagon, asin ginuno niya an dakul na bunga kaini. Nagbalik siya dara an mga ginunong bunga. Dai niya aram kun ano idto. Dangan giniris niya idto saka isinalak sa kakanon duman sa koron.

2 Mga Hade 4:39 ပူးပေါင်းရင်းမြစ်များ

Genesis 25:29

Sarong aldaw mantang nagluluto si Jacob nin sinabawan na balatong, uminabot si Esau hale sa pangangayam. Gutom na ini nin marahay

1 Mga Hade 6:18

An lanob na mga tablang sedro igwa nin mga dibuhong mga melon saka mga bukad na burak; an bilog na laog napapatos nin tablang sedro, kaya dai nanggad nahihiling an mga gapo kan lanob.

2 Mga Hade 4:38

Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

2 Mga Hade 4:40

Pakaluto, nagluwag siya tanganing magkakan an mga lalaki. Alagad kan manamitan an linuto, nagsabi an mga lalaki, “Sorogoon nin Dios, may hudong ini!” Asin dai na ninda kinakan idto.

Mga Talinhaga 19:2

Bakong marahay para sa sarong tawo an mayo nin pakaaram; an naghihidali dai nakakakua kan dalan.

Isaias 5:4

Ano pa an dapat kong gibohon para sa sakong ubasan, na dai ko ginibo? Kan maghanap ako nin mahamis na ubas, tano ta maalsom an ubas na ibinunga kaiyan?

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Mateo 15:13

Nagsimbag si Jesus, “An arin man na tanom na dai itinanom nin sakong Ama sa langit, gagaboton.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.