2 Mga Hade 4:38 - Marahay na Bareta Biblia

³⁸ Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

2 Mga Hade 4:38 ပူးပေါင်းရင်းမြစ်များ

Genesis 25:29

Sarong aldaw mantang nagluluto si Jacob nin sinabawan na balatong, uminabot si Esau hale sa pangangayam. Gutom na ini nin marahay

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

2 Mga Hade 2:1

Nag-abot an panahon tanganing kuahon nin Kagurangnan si Elias sa paagi nin aripuros. Naghale sa Gilgal si Elias saka si Eliseo,

2 Mga Hade 2:3

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo. “Alagad mag-alo sana kamo.”

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

2 Mga Hade 4:39

Saro sa sainda an nagpaoma tanganing magkua nin gulayon. Nakahiling siya nin sarong balagon, asin ginuno niya an dakul na bunga kaini. Nagbalik siya dara an mga ginunong bunga. Dai niya aram kun ano idto. Dangan giniris niya idto saka isinalak sa kakanon duman sa koron.

2 Mga Hade 8:1

Sinabihan ni Eliseo an babaeng taga Shunem, an ina kan aki na binuhay niya giraray, “Maghale ka digdi sagkod an saimong pamilya asin mag-erok kamo sa ibang lugar huli ta an Kagurangnan mapadara digdi nin gutom na matagal nin pitong taon.”

An Libro ni Job 30:4

Binubulnot ninda an mga tanom sa kalangtadan dangan saindang kinakakan, maski an mayong namit na gamot nin sarong kahoy!

Mga Talinhaga 8:34

Paladan an tawong naghihinanyog sako, na aroaldaw nagbabantay sa sakuyang mga trangkahan, na naghahalat sa may pintoan kan sakong harong.

Ezekiel 11:3

Nagtataram sinda, ‘Dai mahahaloy magpapatugdok giraray kita nin mga harong. An syudad iyo an kaldero, dangan kita an karne na nasa laog kaiyan, alagad minsan siring iniingatan kita kaiyan sa kalayo.’

Ezekiel 11:7

“Kaya ini an tataramon ko saindo, ako an Kagurangnan Dios. Totoo man nanggad na an syudad na ini iyo an kaldero, alagad arin an karne? An mga bangkay kan saindong mga ginadan! Dai na kamo mag-eerok digdi—itinapok ko kamo sa luwas kan syudad!

Ezekiel 14:13

“Aki nin tawo, kun an sarong daga nagkakasala asin nagigin bakong maimbod sa sako, uunaton ko an sakong kamot asin raraoton ko an ginigikanan kan saindang kakanon. Mapadara ako nin makuring gutom asin gagadanon ko an mga tawo saka mga hayop.

Ezekiel 24:3

Isaysay mo sa sakong rebeldeng banwaan an parabolang ini asin sabihan mo sinda na ini an tataramon nin Kagurangnan Dios: Isunad mo an kaldero, asin panoon mo nin tubig.

Levitico 26:26

Hahaleon ko an ginigikanan kan saindong pagkakan, kaya saro sanang pogon an magagamit nin sampolong babae tanganing lutoan kan gabos nindang tinapay. Irarasyon ninda iyan asin pakatapos nindong magkakan, dai man giraray kamo mababasog.

Amos 7:14

Nagsimbag si Amos, “Bako ako an propeta na nagpopropesiya huli sa bayad. Saro akong pastor nin mga hayop, asin nag-aataman ako nin mga kahoy na higera.

Markos 6:37

Alagad sinabihan sinda ni Jesus, “Tawe nindo sinda nin makakakan.” Naghapot an mga disipulo, “Boot mong bumakal kami nin tinapay sa kantidad na dos syentos denaryo nganing ipakakan sainda?”

Lukas 10:39

Ini si Marta may tugang na babae na an ngaran Maria. Nagtukaw si Maria sa may pamitisan kan Kagurangnan dangan nagdangog kan saiyang katukdoan.

Lukas 2:46

Kan ikatolong aldaw, nakua ninda siya sa laog kan Templo, nagtutukaw kaiba kan mga paratukdo. Naghihinanyog siya saka naghahapot sainda.

Lukas 4:25

Alagad ini an masasabi ko: dakul an mga babaeng balo sa Israel kan panahon ni Elias, kan dai mag-uran sa laog nin tolong taon may kabanga asin nagkaigwa nin makuring gutom sa bilog na daga.

Lukas 8:35

Nagduruman an mga tawo sa paghiling kan nangyari. Nagdolok sinda ki Jesus asin nahiling ninda an lalaking dating may demonyo na nakatukaw sa pamitisan ni Jesus, nakagubing na, saka toltol na an isip. Natakot sinda gabos.

Lukas 8:38

an tawong linuwasan kan mga demonyo nakimaherak saiya na tugotan siyang mag-iba saiya. Alagad isinubol siya ni Jesus saka sinabihan,

Lukas 9:13

Alagad sinabihan sinda ni Jesus, “Tawe nindo sinda nin makakakan.” Alagad nagsabi sinda, “Igwa sana kita nin limang tinapay asin duwang sira, pwera sana kun magbakal kami nin kakanon para sa gabos na tawong ini.”

Juan 21:5

Hinapot sinda ni Jesus, “Mga aki, may nadakop lamang kamo?” Nagsimbag sinda, “Mayo lamang.”

Juan 21:9

Pakahawas ninda, nahiling ninda na may baga na duman, na may sira na idinadarang saka may tinapay.

Mga Gibo 10:38

Aram man nindo kun paano itinao nin Dios ki Jesus na taga Nazaret an Espiritu Santo asin an kapangyarihan. Naglibot siya sa gabos na lugar, naggigibo nin marahay saka nagbobolong kan gabos na nasa irarom kan kapangyarihan kan Diablo, huli ta an Dios yaon saiya.

Mga Gibo 15:36

Pakalihis nin nagkapirang aldaw, sinabihan ni Pablo si Bernabe, “Madya asin dalawon ta an mga tugang sa mga syudad na pinaghulitan ta kan tataramon nin Kagurangnan; hilingon ta kun ano na an kamugtakan ninda.”

Mga Gibo 22:3

“Saro akong Judio; namundag ako sa Tarso kan Cilicia, alagad nagdakula digdi sa Jerusalem. Nag-adal ako ki Gamaliel asin maigot na tinukdoan sa pagsunod kan Katogonan nin satong mga ginikanan. Siring saindo, naglingkod ako sa Dios sa bilog kong puso.

1 Samuel 19:20

kaya nagsugo siya nin nagkapirang lalaki tanganing dakopon si David. Kan mahiling kan mga sinugo an grupo nin mga propeta na nagsasarayaw asin nagkukurahaw sa kaibahan ni Samuel, nag-abot sainda an espiritu nin Dios, asin nagpoon man sindang magsarayaw saka magkurahaw.