2 Mga Hade 4:35 - Marahay na Bareta Biblia

³⁵ Nagtindog si Eliseo, naglakaw-lakaw sa kwarto, dangan nagbalik asin dinapaan giraray an aki. Nagbahon nin pitong beses an aki saka nagmuklat kan saiyang mga mata.

2 Mga Hade 4:35 ပူးပေါင်းရင်းမြစ်များ

1 Mga Hade 17:21

Tolong beses na dinapaan ni Elias an aking lalaki asin namibi, “O Kagurangnan na sakong Dios, itugot mong mabuhay giraray an aking ini!”

1 Mga Hade 17:22

Sinimbag nin Kagurangnan an pamibi ni Elias; nagpoon paghangos an aki asin naomayan.

1 Mga Hade 18:43

Nagsabi si Elias sa saiyang sorogoon, “Tumukad ka asin tumanaw sa dagat.” Nagtukad an sorogoon saka nagtanaw sa dagat. Dangan nagsabi, “Mayo ako nin nahihiling na anoman.” Pitong beses siyang sinabihan ni Elias na tumukad saka magtanaw sa dagat.

2 Mga Hade 13:21

Sarong beses, nagkapirang lalaki an malubong nin sarong gadan na lalaki; kan mahiling ninda an sarong grupo nin Moabita, itinapok ninda an bangkay sa lulubngan ni Eliseo, dangan nagdurulag sinda. Pakaduta kan bangkay sa mga tolang ni Eliseo, nabuhay ini asin nagtindog.

2 Mga Hade 4:36

Inapod ni Eliseo si Gehazi saka sinabihan na apodon an Sunamita. Pakalaog kan babae, nagsabi si Eliseo, “Uya an saimong aki.”

2 Mga Hade 5:10

Pinaluwas ni Eliseo an sarong sorogoon tanganing magsabi, “Lakaw, maghugas ka nin pitong beses sa Salog nin Jordan asin an saimong kublit maoomayan saka magigin malinig.”

2 Mga Hade 5:14

Kaya naglugsot siya sa Jordan, luminadop nin pitong beses, sosog sa tataramon ni Eliseo asin an saiyang kublit nagin siring sa kublit nin sadit na aki; nagin malinig siya.

2 Mga Hade 8:1

Sinabihan ni Eliseo an babaeng taga Shunem, an ina kan aki na binuhay niya giraray, “Maghale ka digdi sagkod an saimong pamilya asin mag-erok kamo sa ibang lugar huli ta an Kagurangnan mapadara digdi nin gutom na matagal nin pitong taon.”

2 Mga Hade 8:5

Mantang sinasabi ni Gehazi sa hade kun paano binuhay ni Eliseo an sarong gadan, ipinahayag kan babae an saiyang kahagadan sa hade. Nagsabi si Gehazi, “Mahal na hade, uya an babae, asin uya an saiyang aking lalaki na binuhay ni Eliseo!”

Lukas 8:55

Nabuhay an aki asin nagbangon tolos; nagboot si Jesus na pakakanon an aki.

Mga Gibo 9:40

Pinaluwas sinda gabos ni Pedro sa kwarto, saka nagluhod siya asin namibi. Dangan nag-atubang siya sa bangkay asin nagsabi, “Tabita, magbangon ka!” Nagmuklat si Tabita, dangan kan mahiling si Pedro, nagtukaw siya.