2 Mga Hade 4:25 - Marahay na Bareta Biblia

²⁵ Kaya naglakaw siya asin nakaabot sa Bukid nin Carmelo, saen nag-ontok si Eliseo. Harayo pa, nahiling na ni Eliseo an nagdadangadang na Sunamita, kaya sinabihan niya si Gehazi na saiyang sorogoon, “An Sunamita iyan na nagdadangadang.

2 Mga Hade 4:25 ပူးပေါင်းရင်းမြစ်များ

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

1 Mga Hade 18:42

Kaya naghale si Ahab tanganing magkakan. Dangan nagtukad si Elias sa alitoktok kan Bukid nin Carmelo, saen nagluhod siya sa daga, an saiyang payo nasa tahaw kan saiyang mga tuhod.

2 Mga Hade 1:9

Dangan an sarong opisyal na may kaibahan na singkwentang soldados sinugo kan hade ki Elias. Nakua kan opisyal si Elias na nagtutukaw sa ibabaw nin sarong bulod asin sinabihan, “Sorogoon nin Dios, ipinagboboot kan hade na maghilig ka.”

2 Mga Hade 2:25

Hale duman nagpadagos si Eliseo pasiring sa Bukid nin Carmelo, dangan nagbalik sa Samaria.

2 Mga Hade 4:24

Dangan pinakamaderohan kan babae an asno, asin pinagbotan an sorogoon, “Palakawon mo nin marikas an asno, asin dai mo pagpaluwayon an lakaw sagkod na dai ko sinasabi saimo.”

2 Mga Hade 4:26

Maghidali ka pasiring saiya, asin aramon mo kun marahay an kamugtakan niya, asin an kamugtakan kan saiyang agom saka aki.” Nagsabi an Sunamita ki Gehazi na marahay an kamugtakan ninda,

2 Mga Hade 4:27

alagad pag-abot ki Eliseo, kinapotan niya an mga bitis ni Eliseo. Itutuklang kutana ni Gehazi an Sunamita, alagad nagsabi si Eliseo, “Pabayae siya; huli ta makuri an saiyang kamondoan; tinago ini sako kan Kagurangnan asin dai ako sinabihan.”

2 Mga Hade 5:20

nagsaboot si Gehazi na sorogoon ni Eliseo, “Pinahale kan sakong kagurangnan si Naaman na dai nagbayad. Inako niya kutana an dinara saiya kan Siro. Huli sa ngaran kan buhay na Kagurangnan lalamagon ko siya asin makua ako sa saiya nin maski ano.”

2 Mga Hade 8:4

Inabotan niya an hade na kaolay si Gehazi, an sorogoon ni Eliseo. Boot kan hade na maaraman an mga milagro ni Eliseo.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.