2 Mga Hade 4:23 - Marahay na Bareta Biblia

²³ “Tadaw ta kaipuhan magduman ka ngunyan?” an hapot kan saiyang agom. “Bako man Sabbath o Pyesta kan Bagong Bulan.” “Bayae sana,” an simbag kan babae.

2 Mga Hade 4:23 ပူးပေါင်းရင်းမြစ်များ

2 Mga Hade 4:22

Inapod niya an saiyang agom asin nagsabi, “Padarahan mo ako nin sarong sorogoon asin sarong asno. Kaipuhan magduman ako ki Propeta Eliseo. Mabalik tolos ako.”

2 Mga Hade 4:24

Dangan pinakamaderohan kan babae an asno, asin pinagbotan an sorogoon, “Palakawon mo nin marikas an asno, asin dai mo pagpaluwayon an lakaw sagkod na dai ko sinasabi saimo.”

1 Mga Cronica 23:31

siring man kun igwang mga dolot na tinutong na atang sa Kagurangnan kun mga Sabbath, mga Bagong Bulan saka mga aldaw nin pyesta, sosog sa talaan na bilang kan mga Levita na hinahagad kan lambang gawe nin pagsamba sa Kagurangnan sa gabos na panahon.

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Mga Bilang 28:11

Sa pagpoon kan lambang bulan, magdolot kamo sa Kagurangnan nin tinutong na atang: duwang torilyong baka, sarong lalaking karnero, pitong lalaking kordero na manangtaon an edad, na gabos mayo nin ano man na kaninan.

Mga Bilang 28:9

Sa aldaw nin Sabbath, magdolot kamo nin duwang lalaking kordero na manangtaon an edad asin mayo nin ano man na kaninan, duwang kilong arina na sinalakan nin lana nin oliba bilang sarong dolot na pagkakan, saka an dolot na arak.

1 Samuel 20:5

Nagsimbag si David, “Pyesta kan Gimata nin Bulan sa aga asin dapat kaiba ako kan hade sa pagkakan. Alagad kun itutugot mo, malakaw ako asin matago sa kaomahan sagkod na magbanggi kan ikatolong aldaw.