2 Mga Hade 4:2 - Marahay na Bareta Biblia

² Hinapot siya ni Eliseo, “Ano an magigibo ko para saimo? Tarami ako; ano an yaon sa saimong harong?” Nagsimbag an babaeng balo, “Mayo ako nin anoman sa sakong harong, kundi sarong sadit na dulay na may laog na lana.”

2 Mga Hade 4:2 ပူးပေါင်းရင်းမြစ်များ

1 Mga Hade 17:12

Nagsimbag an balo, “Minasumpa ako sa ngaran kan buhay na Kagurangnan na saimong Dios na mayo ako nin tinapay. Igwa na sana ako nin sarong gugom na arina sa mangko saka kadikit na lana nin oliba sa dulay. Nagdigdi ako tanganing mamurot nin nagkapirang igatong na dadarahon ko pabalik sa harong, dangan aandamon ko an kadikit na pagkakan para sako asin para sa sakong aking lalaki. Huring pagkakan mi na iyan, dangan magagadan na kami sa gutom.”

2 Mga Hade 2:9

Pakabalyo ninda, nagsabi si Elias ki Eliseo, “Sabihan sako kun ano an boot mong gibohon ko para saimo, bago ako kuahon.” “Nakikimaherak ako saimo na ipamana mo sako an kahirasan kan saimong kapangyarihan na iyo an magibo sako na kasalihid mo,” an simbag ni Eliseo.

2 Mga Hade 4:3

Sinabihan siya ni Eliseo, “Magduman ka sa mga kanatad mo asin magsubli ka nin dakul na dulay na mayo nin laog.

Exodo 4:2

Kaya hinapot man siya nin Kagurangnan, “Ano iyan na nakakapotan mo?” “Sarong sugkod,” an simbag ni Moises.

Mateo 15:34

Naghapot si Jesus, “Pira an tinapay nindo?” “Pitong tinapay asin nagkapirang saradit na sira sana,” an simbag ninda.

Mga Gibo 3:6

Alagad sinabihan siya ni Pedro, “Mayo akong plata o bulawan, alagad an yaon sako itatao ko saimo: sa ngaran ni Jesu-Cristo na taga Nazaret, lumakaw ka!”

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.