2 Mga Hade 4:1 - Marahay na Bareta Biblia

¹ Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

2 Mga Hade 4:1 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

1 Mga Hade 18:3

kaya ipinaapod ni Ahab si Obadias, na namamahala kan palasyo. (Igwa nin pagkatakot si Obadias sa Kagurangnan,

1 Mga Hade 20:35

Sa pagboot nin Kagurangnan, saro sa mga kaayon sa grupo nin mga propeta an nagsugo sa sarong kapwa propeta na suntokon siya. Alagad nagsayuma an sinugo,

2 Mga Hade 2:15

Kan mahiling ini kan mga propetang taga Jerico, nagsabi sinda, “An kapangyarihan ni Elias yaon na ki Eliseo!” Nagdolok sinda sa pagsabat ki Eliseo asin nagdarapa sa saiyang atubang.

2 Mga Hade 2:3

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo. “Alagad mag-alo sana kamo.”

2 Mga Hade 2:5

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo, “Alagad mag-alo sana kamo.”

2 Mga Hade 2:7

asin singkwenta kan mga propeta an nagsunod sainda pasiring sa Jordan. Nag-ontok si Elias saka si Eliseo sa tampi kan salog, asin nagtindog sa horoharayo an singkwentang propeta.

2 Mga Hade 4:38

Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

2 Mga Hade 6:9

Alagad pinasabihan ni Eliseo an hade nin Israel, “Likayan mo nanggad an lugar na idto, huli ta naghihipa duman an mga taga Siro.”

Nehemias 10:31

Kun an mga dayuhan magdara nin trigo o anoman na ipapabakal sa aldaw nin Sabbath o sa arin man na banal na aldaw, dai kami mabakal sainda. Sa lambang ikapitong taon, dai mi tatanoman an samong mga oma, asin paparaon mi an gabos na utang samo.

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

Salmo 103:11

Siring na an langit halangkaw sa daga, an danay niyang pagkamoot dakula para sa mga may pagkatakot saiya.

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Salmo 115:13

Bebendisyonan niya an may pagkatakot saiya, sadit man o dakula.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Mga Talinhaga 22:7

An dukha oripon kan mayaman, asin an parautang oripon kan pinagkautangan.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Jeremias 34:14

lambang ikapitong taon tatalingkasan ninda an siisay man na Hebreyong oripon na naglingkod sainda sa laog nin anom na taon. Alagad dai nagkuyog an saindong mga ginikanan ni naghinanyog kan sinabi ko sainda.

Levitico 25:48

Maski nabakal na siya, igwa pa siya nin deretso na balukaton. Pwede siyang balukaton kan saro sa mga tugang niya

Malakias 3:16

Dangan nag-orolay an mga tawong natatakot sa Kagurangnan, asin hininanyog sinda nin marahay kan Kagurangnan. An saindang mga sinabi dinangog niya man. Sa atubangan niya, isinurat sa sarong libro an ngaran kan mga natatakot sa Kagurangnan asin minagalang saiya.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Mateo 18:25

An sorogoon na ini mayong ibabayad, kaya nagboot an hade na ipabakal siya kaiba an saiyang pamilya saka an gabos niyang rogaring tanganing mabayadan an utang.

Mateo 18:30

Alagad dai niya ini pinatawad kundi ipinabilanggo sagkod na makabayad kan utang.

Mateo 18:35

“Siring man kaini an gigibohon kan sakong Ama sa langit sa lambang saro na dai nagpapatawad nin tudok sa puso kan saiyang tugang.”

Mga Gibo 13:26

“Mga tugang, mga kapagarakian ni Abraham asin kamong mga may pakatakot sa Dios, sa sato ipinadara an mensaheng ini nin kaligtasan!

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”

Ruth 1:3

nagadan si Elimelek. Nawalat si Naomi asin an saiyang duwang aking lalaki,

1 Samuel 22:2

Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.