2 Mga Hade 3:26 - Marahay na Bareta Biblia

²⁶ Kan mahiling kan hade nin Moab na madadaog na siya sa gera, ipinag-iba niya an syete syentos na lalaking may mga armas na espada dangan hiningowa nindang makalusot sa mga kaiwal asin makadulag pasiring sa hade nin Siria. Alagad mayo sindang naginibo.

2 Mga Hade 3:26 ပူးပေါင်းရင်းမြစ်များ

2 Mga Hade 3:25

saka ginaba an mga syudad ninda. Tinapokan nin gapo kan lambang Israelita an lambang oma sagkod na matambonan ini. Tinahoban ninda an lambang burabod nin tubig asin pinutol an gabos na kahoy na nagbubunga. Rinaot ninda an Moab sagkod na an pangenot na syudad na sana nin Kir-hareset an natada. Pinalibotan ini saka sinalakay kan mga paralagpitaw na Israelita.

2 Mga Hade 3:27

Dangan kinua niya an matua niyang aking lalaki, na masalihid saiya bilang hade, saka idinolot bilang sakripisyo sa ibabaw kan kudal. Nagkatarakot an mga Israelita, kaya nagsiribog sinda dangan nagbaralik sa sadiri nindang daga.

2 Mga Hade 3:9

Kaya nagluwas si Hadeng Joram kaiba an hade nin Juda saka an hade nin Edom. Pakalihis nin pitong aldaw na pagmartsa, naubosan sinda nin tubig; mayo na nin inomon an hukbo asin an mga hayop.

2 Mga Hade 8:20

Sa panahon na ini kan paghahade ni Jehoram, nagrebelde an Edom laban sa Juda asin nagbugtak man nin sadiri nindang hade.

Amos 2:1

Nagtataram an Kagurangnan, “Paulit-ulit na nagkasala an mga taga Moab, asin huli kaiyan, papadusahan ko sinda. Dai ninda ginalangan an mga tolang kan hade nin Edom kan tutongon ninda iyan.