2 Mga Hade 3:25 - Marahay na Bareta Biblia

²⁵ saka ginaba an mga syudad ninda. Tinapokan nin gapo kan lambang Israelita an lambang oma sagkod na matambonan ini. Tinahoban ninda an lambang burabod nin tubig asin pinutol an gabos na kahoy na nagbubunga. Rinaot ninda an Moab sagkod na an pangenot na syudad na sana nin Kir-hareset an natada. Pinalibotan ini saka sinalakay kan mga paralagpitaw na Israelita.

2 Mga Hade 3:25 ပူးပေါင်းရင်းမြစ်များ

Genesis 26:15

Kaya tinahoban kan mga Filistio an gabos na bubon na kinalot kan mga sorogoon kan ama ni Isaac na si Abraham kan buhay pa ini.

Genesis 26:18

Kinalot niya giraray an mga bubon na tinahoban kan mga Filistio, na kinalot sa panahon kan ama niyang si Abraham. Nginaranan niya an mga bubon kan parehong ngaran na itinao kan saiyang ama.

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

2 Mga Hade 3:19

Sasakopon nindo an lambang pinapusog asin piniling syudad ninda; puputolon nindo an lambang kahoy na nagbubunga, tatahoban an gabos na burabod, asin tatambakan nin mga gapo an lambang oma.”

2 Mga Hade 3:24

Alagad pag-abot ninda sa kampo, sinalakay sinda kan mga Israelita. Nagdulag an mga Moabita alagad dai nag-ontok an mga Israelita sa paglamag sainda; ginadan ninda an nagdudulag na mga Moabita,

2 Mga Hade 3:26

Kan mahiling kan hade nin Moab na madadaog na siya sa gera, ipinag-iba niya an syete syentos na lalaking may mga armas na espada dangan hiningowa nindang makalusot sa mga kaiwal asin makadulag pasiring sa hade nin Siria. Alagad mayo sindang naginibo.

Isaias 15:1

Iyo ini an mensahe dapit sa Moab. Sa laog nin saro sanang banggi, nagkararaot an mga syudad nin Ar asin Kir; mayo na maski sarong tingog na nadadangog sa daga nin Moab.

Isaias 16:11

Kaya nag-aagrangay ako sa kamondoan para sa Moab asin para sa Kir-heres.

Isaias 16:7

Maghihibi an mga taga Moab huli sa kasakitan na saindang tinitios. Gabos sinda maghihibi sa oras na magiromdoman ninda an mga masiram na pagkakan na dati nindang kinakakan sa syudad nin Kir-heres. Mawawaraan sinda nin paglaom.

Jeremias 48:31

Kaya maghahaya ako para sa mga taga Moab asin para sa mga taga Kir-heres.

Jeremias 48:36

“Kaya nagmomondo an sakong puso para sa Moab asin para sa mga taga Kir-heres, arog kan sarong tawo na nagtutugtog nin panambitan sa plawta, huli ta mayo na an gabos na kayamanan na sadiri ninda.

Deuteronomio 2:9

Nagtaram sako an Kagurangnan, ‘Dai nindo pagribokon o kalabanon an mga Moabita, na kapagarakian ni Lot, huli ta itinao ko na sainda an daga nin Ar, asin dai ko kamo tatawan maski sarong pedaso kan saindang daga.’” (

Hukom 9:45

An ralaban nagpadagos sagkod sa hapon. Nasakop ni Abimelec an syudad, ginadan an mga tawo duman, ginaba an syudad dangan tinahoban nin asin an daga.