2 Mga Hade 3:23 - Marahay na Bareta Biblia

²³ Nagsabi sinda, “Dugo iyan! Nagralaban an tolong hade asin naggaradanan sinda. Magduman kita asin samsaman ta an saindang kampo!”

2 Mga Hade 3:23 ပူးပေါင်းရင်းမြစ်များ

2 Mga Hade 3:22

Sunod na aga, kan magbangon an mga Moabita asin kan masirangan kan aldaw an tubig, nahiling ninda na mapula an tubig siring sa dugo.

2 Mga Hade 3:24

Alagad pag-abot ninda sa kampo, sinalakay sinda kan mga Israelita. Nagdulag an mga Moabita alagad dai nag-ontok an mga Israelita sa paglamag sainda; ginadan ninda an nagdudulag na mga Moabita,

2 Mga Hade 7:6

Huli ta ginibo nin Kagurangnan na madangog kan mga Siro an ribok nin dakulang hukbo, nin mga kabayo asin karwahe. Naghona an mga Siro na tinandanan kan hade nin Israel an mga hadeng Heteo saka Egipcio tanganing salakayon sinda.

2 Mga Cronica 20:25

Nagdolok si Jehosafat asin an saiyang hukbo tanganing samsaman an mga kaiwal. Nakakua sinda nin dakul na baka, mga kagamitan, mga gubing asin iba pang mahalagang mga bagay. Inabot sinda nin tolong aldaw sa panamsam alagad dai ninda naubos huli ta dakul nin marahay.

Exodo 15:9

Nagsabi an kaiwal, ‘Lalamagon ko sinda asin dadakopon; saindang kayamanan sakong babangaon; gabos na magustohan sakong kukuahon asin sa bagsik kan espada gabos sasamsamon.’

Isaias 10:14

An mga nasyon sa kinaban arog sa salagan nin gamgam; madali kong natipon an saindang kayamanan siring sa pagtipon nin mga sugok. Mayo nin sarong pakpak na naghiro tanganing takoton ako; mayo ni sarong tuka na nagbuka tanganing kurahawan ako!”

Hukom 5:30

“Naghahanap pa sinda nin mabibihag asin mababanga— saro o duwang babae para sa lambang soldados, mamahalon na tela para ki Sisera, mga ginansilyong gubing para sa sakong liog.”