2 Mga Hade 3:20 - Marahay na Bareta Biblia

²⁰ Pagkaaga, sa oras kan pagdolot kan pang-agang sakripisyo, nagbulos an tubig hale sa Edom asin natahoban an daga.

2 Mga Hade 3:20 ပူးပေါင်းရင်းမြစ်များ

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

2 Mga Hade 3:21

Kan madangog kan mga Moabita na nag-abot an mga hade tanganing makilaban sainda, inapodan ninda an mga lalaking pwede nang makilaban, magpoon sa matua sagkod sa ngohod, asin ipinadara sa pagdolonan.

Salmo 107:35

An desyerto ginibo niyang mga sapa, an mamarang daga pinangagin niyang mga burabod.

Salmo 78:20

Totoo nanggad na binadulan niya an gapo asin nagbulos an tubig na garo burabod, alagad pwede daw niyang tawan nin tinapay saka karne an saiyang banwaan?”

Daniel 9:21

Mantang namimibi ako, si Gabriel, an lalaking nahiling ko sa bisyon, naglayog pasiring sa namumugtakan ko. Panahon kaidto kan pagdolot kan pangbangging atang.