2 Mga Hade 3:19 - Marahay na Bareta Biblia

¹⁹ Sasakopon nindo an lambang pinapusog asin piniling syudad ninda; puputolon nindo an lambang kahoy na nagbubunga, tatahoban an gabos na burabod, asin tatambakan nin mga gapo an lambang oma.”

2 Mga Hade 3:19 ပူးပေါင်းရင်းမြစ်များ

Genesis 21:19

Dangan binukasan nin Dios an mga mata ni Hagar asin nahiling niya an sarong bubon; kaya nagduman siya asin pinano nin tubig an laogan na anit asin pinainom an saiyang aki.

2 Mga Hade 13:17

Dangan sa pagsunod kan pagboot kan propeta, binukasan kan hade an bintana na nakaatubang sa Siria. “Pumana ka!” an pagboot ni Eliseo. Pakatapos na magpana an hade, nagsabi an propeta, “Ika an bosog nin Kagurangnan, sarong bosog para sa kapangganahan laban sa Siria. Lalabanan mo sa Afek an Siria sagkod na madaog mo.”

2 Mga Hade 3:25

saka ginaba an mga syudad ninda. Tinapokan nin gapo kan lambang Israelita an lambang oma sagkod na matambonan ini. Tinahoban ninda an lambang burabod nin tubig asin pinutol an gabos na kahoy na nagbubunga. Rinaot ninda an Moab sagkod na an pangenot na syudad na sana nin Kir-hareset an natada. Pinalibotan ini saka sinalakay kan mga paralagpitaw na Israelita.

Mga Bilang 24:17

An maabot na aldaw sakong tinatanaw, Asin an nasyon nin Israel sakong nahihiling. Sarong bitoon an maluwas ki Jacob, sarong hade an magikan sa Israel. Siya an maronot kan payo ni Moab Asin mapatumba kan mga aki ni Set.

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”

1 Samuel 23:2

Kaya hinapot ni David an Kagurangnan, “Dapat daw na magduman ako asin salakayon an mga Filisteo?” “Lakaw,” an simbag nin Kagurangnan. “Salakayon mo sinda asin ligtasan an Keila.”