2 Mga Hade 3:13 - Marahay na Bareta Biblia

¹³ Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

2 Mga Hade 3:13 ပူးပေါင်းရင်းမြစ်များ

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

1 Mga Hade 22:6

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

2 Mga Hade 3:10

Dangan nagsabi an hade nin Israel, “Magagadan kita! Kitang tolo inapod nin Kagurangnan tanganing itao sa kamot kan hade nin Moab.”

2 Mga Hade 3:12

“Tunay siyang propeta,” an sabi ni Hadeng Jehosafat. Kaya nagduman ki Eliseo an tolong hade.

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Jeremias 37:19

Ano an nangyari sa saimong mga propeta na nagsabi saimo na an hade nin Babilonia dai masalakay saimo ni kan nasyon na ini?

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Mateo 8:29

Bigla sindang nagkurahaw, “Aki nin Dios, ano an pakilabot mo samo? Nagdigdi ka tanganing padusahan kami maski bako pang panahon?”

Juan 2:4

Nagsimbag si Jesus, “Babae, tadaw ta kaipuhan na makiaram ka sako. Dai pa minaabot an sakuyang oras.”

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

2 Corinto 6:15

Paanong magkaoyon si Cristo saka an Diablo? Paanong magkapareho an paratubod saka an bakong paratubod?

Hukom 10:14

Lakaw kamo, asin duman pag-agrangay sa mga pinili nindong mga dios-dios. Sinda an magligtas saindo sa panahon kan saindong kasakitan.”

Ruth 1:15

Kaya sinabihan siya ni Naomi, “Ruth, nagbalik na an saimong bilas sa saiyang banwaan asin sa saiyang dios. Magpuli ka na kaiba niya.”