2 Mga Hade 3:12 - Marahay na Bareta Biblia

¹² “Tunay siyang propeta,” an sabi ni Hadeng Jehosafat. Kaya nagduman ki Eliseo an tolong hade.

2 Mga Hade 3:12 ပူးပေါင်းရင်းမြစ်များ

2 Mga Hade 2:21

dangan nagduman si Eliseo sa burabod nin tubig. Itinapok ni Eliseo sa tubig an asin dangan nagsabi, “Iyo ini an sinasabi nin Kagurangnan: ‘Lininigan ko na an tubig na ini. Dai na ini magigin dahelan nin kagadanan o nin pagkakuahe sa mga bados.’”

2 Mga Hade 3:11

Naghapot si Hadeng Jehosafat, “Mayo digdi nin propeta na pwedeng makihumapot sa Kagurangnan para sato?” Sarong opisyal kan hukbo ni Hadeng Joram an nagsimbag, “Yaon digdi si Eliseo na aking lalaki ni Safat. Dati siyang katabang ni Elias.”

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

2 Mga Hade 5:15

Nagbalik siya ki Eliseo kaiba an gabos niyang tawohan dangan nagsabi, “Ngunyan naaaraman ko na mayo nin Dios sa bilog na daga kundi sa Israel sana. Kaya nakikimaherak ako na akoon mo an regalong hale sako.”

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Jeremias 37:17

Sarong aldaw ipinaapod ako ni Hadeng Zedekias, asin duman sa palasyo hilom na hinapot niya ako, “Igwa ka nin mensahe hale sa Kagurangnan?” Nagsimbag ako, “Igwa. Itatao ka sa hade nin Babilonia.”

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.