2 Mga Hade 25:9 - Marahay na Bareta Biblia

⁹ Sinulo niya an Templo, an palasyo, asin an mga harong kan gabos na mahalagang tawo sa Jerusalem.

2 Mga Hade 25:9 ပူးပေါင်းရင်းမြစ်များ

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

Esdras 5:12

Alagad huli ta pinaanggot kan samong mga ginikanan an Dios nin langit, itinao niya sinda sa kamot ni Nebukadnezzar na hade nin Babilonia, an Caldeo na iyo an nagrumpag kan Templo asin nagtapok kan banwaan sa Babilonia.

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Isaias 64:9

kaya dai ka maanggot samo nin marahay asin dai mo paggiromdomon sagkod pa man an samong mga kasalan. Kami an saimong banwaan; maherak ka sa samo.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 26:9

Tadaw ta nagsabi ka sa ngaran nin Kagurangnan na an Templong ini makakaarog sa Shilo, na raraoton an syudad na ini saka mayo nin mag-eerok digdi?” Dangan pinalibotan ako kan mga tawo.

Jeremias 34:2

Tinaraman ako nin Kagurangnan, an Dios nin Israel, na magduman ki Hadeng Zedekias nin Juda saka taraman ini nin siring, “Ako, an Kagurangnan, an matao kan syudad na ini sa hade nin Babilonia, asin susuloon niya an syudad.

Jeremias 34:22

Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 37:10

Maski pa madaog mo an bilog na hukbo nin Babilonia, kun kaya mayo nin matada sainda kundi an mga nalugadan na nasa saindang mga tolda, mabangon an mga lalaking ini saka susuloon ninda an syudad.”

Jeremias 37:8

Dangan maabot giraray an mga taga Babilonia. Sasalakayon ninda an syudad, sasakopon saka susuloon.

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Jeremias 41:5

otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Jeremias 7:14

Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Mga Panambitan 1:10

Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.

Mga Panambitan 2:7

Isinikwal nin Kagurangnan an saiyang altar asin binayaan an saiyang banal na Templo. An mga kudal kaini itinugot niyang rumpagon kan mga kaiwal, na nagkurahaw sa kapangganahan sa lugar na pinagsambahan mi kaidto.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Ezekiel 10:2

Sinabihan nin Dios an lalaking nakagubing nin lino, “Magduman ka sa pagultanan kan mga rweda na nasa pamitisan kan mga kerubin asin panoon mo nin baga an saimong kamot. Dangan iwarak mo an mga iyan sa syudad.” Nahiling ko kan magduman siya.

Ezekiel 16:41

Susuloon ninda an saimong mga harong asin papadusahan ka ninda sa atubang nin dakul na babae. Oontokon ko an saimong pagigin maraot na babae asin an pagtao mo nin mga regalo sa mga kadorogan mo.

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Amos 6:11

Kun itao na nin Kagurangnan an pagboot, magkakaroronot an mga harong, dakula man o sadit.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.