2 Mga Hade 25:4 - Marahay na Bareta Biblia

⁴ nalagbas an mga kudal kan syudad. Maski napapalibotan kan mga taga Babilonia an syudad, nakadulag pagkabanggi an gabos na soldados ni Zedekias. Nag-agi sinda sa trangkahan na nasa tahaw nin duwang kudal, na harani sa tatamnan kan hade. Nagdulag sinda pasiring sa Araba.

2 Mga Hade 25:4 ပူးပေါင်းရင်းမြစ်များ

2 Mga Hade 25:5

Alagad si Hadeng Zedekias linamag kan hukbo nin Babilonia asin inabotan sa kapantayan nin Jerico. Binayaan si Zedekias kan gabos niyang soldados.

2 Mga Cronica 32:5

Pinakosog kan hade an syudad sa paagi nin paghirahay kan kudal, pagtugdok nin mga tore sa ibabaw kan kudal, asin pagtugdok nin saro pang panluwas na kudal. Laen pa kaini, hinirahay man niya an mga depensa na itinugdok sa lugar na tambakan nin daga sa sirangan na parte kan lumang kabtang nin Jerusalem. Nagpagibo man siya nin dakul na armas saka mga kalasag.

Nehemias 3:15

An Trangkahan nin Burabod hinirahay ni Sallum na aking lalaki ni Colhoze, na kagsakop kan Distrito nin Mizpa. Inatopan niya an Trangkahan dangan ibinugtak an mga pinto, an mga barat, saka mga bisagra. Itinugdok niya an kudal kan Tangke nin Tubig nin Shela sa kataed kan tatamnan kan hade, sagkod sa mga paibabang hagdan kan Syudad ni David.

Isaias 22:11

guminibo kamo sa laog kan syudad nin sarong tangkeng pagtitiponan nin tubig na naghahale sa daan na sapa. Alagad dai nindo tinawan nin halaga an Dios, na nagplano kaini haloy nang panahon asin naggibong mangyari ini.

Isaias 22:3

An gabos mong lider nagdurulag dangan nadakop bago nakapana nin sarong bosog.

Jeremias 32:4

asin dai makakadulag si Hadeng Zedekias. Itatao siya sa hade nin Babilonia; makakahampang niya ini asin makakaolay.

Jeremias 34:3

Dai ka makakadulag; dadakopon ka asin itatao saiya. Makakahampang mo siya asin makakaolay, dangan maduman ka sa Babilonia.

Jeremias 38:18

Alagad kun dai ka magsuko, itatao an syudad na ini sa mga taga Babilonia. Susuloon ninda ini, asin dai ka makakadulag sainda.”

Jeremias 4:17

asin mapalibot sa Jerusalem, siring sa mga lalaking nagbabantay sa oma, huli ta an mga tawo duman nagrebelde tumang sa Kagurangnan. An Kagurangnan an nagtaram.

Jeremias 4:29

Sa ribok kan mga nangangabayo saka mga parapana, an gabos madurulag. An iba madaralagan sa kadlagan; an iba masarakat sa kagapoan. An lambang banwa babayaan asin mayo na nin mag-eerok diyan.

Jeremias 44:30

Itatao ko si Hadeng Hofra nin Egipto sa saiyang mga kaiwal na boot gumadan saiya, siring na itinao ko si Hadeng Zedekias nin Juda ki Hadeng Nebukadnezzar nin Babilonia, na saiyang kaiwal saka boot gumadan saiya.”

Jeremias 5:10

Susugoon ko an mga kaiwal na raoton an mga ubasan kan sakong banwaan, alagad na dai pagraoton an gabos. Sasabihan ko sinda na putolon an mga sanga, huli ta bako kong sadiri an mga sangang idto.

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 1:6

Nawara na an kamurawayan nin Jerusalem. An saiyang mga lider garong mga usa na sa kagutoman pinanluluya, mayo nin kosog na minadulag sinda sa mga paraayam.

Ezekiel 12:12

An prinsipe na naghahade sainda mapasan kan saiyang kagamitan pasiring sa diklom dangan madulag huli sa pag-agi sa sarong labot na ginibo ninda sa kudal para saiya. Tatahoban niya an saiyang mga mata asin dai niya mahihiling kun saen siya maduman.

Ezekiel 12:14

Iwawarak ko sa gabos na direksyon an gabos na opisyal na nakapalibot saiya, asin an gabos niyang mga parahatol saka mga bantay; dangan hahanapon sinda kan mga tawo tanganing gadanon.

Ezekiel 12:4

Mantang maliwanag pa, andamon mo sa atubang ninda an kagamitan bilang sarong itinapok, asin kaipuhan mahiling ninda an paghale mo pagkabanggi, na garong itatapok ka.

Ezekiel 33:21

Kan ikalimang aldaw kan ikasampolong bulan kan ikadoseng taon kan samuyang pagkatapokan, sarong lalaking nakadulag hale sa Jerusalem an nag-abot dangan nagbareta sako kan pagbagsak kan Jerusalem.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Levitico 26:36

“Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.