2 Mga Hade 25:3 - Marahay na Bareta Biblia

³ Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin makakakan an mga tawo,

2 Mga Hade 25:3 ပူးပေါင်းရင်းမြစ်များ

2 Mga Hade 25:2

asin padagos na linaom an syudad sagkod kan ikaonseng taon kan paghahade ni Zedekias.

2 Mga Hade 6:24

Dai nahaloy, tinipon ni Hadeng Ben-hadad nin Siria an bilog niyang hukbo asin pinalibotan an Samaria.

2 Mga Hade 6:25

Huli kaini nagkaigwa nin gutom sa Samaria, na maski an payo nin asno ipinagpapabakal sa halagang otsentang pedaso nin plata, asin an ipot nin salampati sa halagang limang pedaso nin plata.

Isaias 3:1

Huli ta uya, an Kagurangnan, an Kagurangnan nin mga hukbo, hahaleon niya sa Jerusalem saka sa Juda an gabos na sinasarigan kan katawohan. Hahaleon niya an sinasarigan nindang pagkakan asin tubig.

Jeremias 19:9

An syudad papalibotan kan mga kaiwal asin hihingowahon nindang gadanon an mga tawo. Magigin makuri an pagkalaom sa syudad kaya kakakanon kan mga tawo digdi an saindang kapwa sagkod an sadiri nindang mga aki.”

Jeremias 37:21

Kaya nagboot si Hadeng Zedekias na ibilanggo ako sa patyo kan palasyo. Nag-ontok ako duman, asin aroaldaw tinatawan ako nin sarong tinapay hale sa panaderia sagkod na naubos an gabos na tinapay sa syudad.

Jeremias 38:2

na an Kagurangnan nagtaram nin siring, “Magagadan sa gera o sa gutom o sa peste an siisay man na padagos na mag-erok sa syudad na ini. Alagad an magluwas saka magsuko sa mga taga Babilonia mabubuhay; ikakaligtas niya an saiyang buhay.”

Jeremias 39:2

Kan ikasiyam na aldaw kan ikaapat na bulan kan ikaonseng taon kan paghahade ni Zedekias nalaog ninda an syudad. (

Jeremias 52:6

Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin nakakakan an mga tawo,

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.

Levitico 26:26

Hahaleon ko an ginigikanan kan saindong pagkakan, kaya saro sanang pogon an magagamit nin sampolong babae tanganing lutoan kan gabos nindang tinapay. Irarasyon ninda iyan asin pakatapos nindong magkakan, dai man giraray kamo mababasog.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”