2 Mga Hade 25:14 - Marahay na Bareta Biblia

¹⁴ Kinua ninda an mga kaldero, mga pala, mga pamalsok nin mitsa, mga mangko para sa insenso, asin an gabos na kagamitan na bronse na ginagamit sa paglingkod sa Templo.

2 Mga Hade 25:14 ပူးပေါင်းရင်းမြစ်များ

1 Mga Hade 7:40

Naggibo man si Huram nin mga kaldero, pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Kagurangnan: An duwang harigi An duwang kapitel na pormang mangko sa ibabaw kan mga harigi An sinalapid na mga kadena para sa mga kapitel An kwatro syentos na granadang pansamno, duwang raya nin granada para sa sarong kadenang nasa lambang kapitel An sampolong kariton An sampolong palanggana An tangke An doseng baka na natutumbawan kan tangke An mga kaldero, pala, asin mangko An mga kagamitan na ini para sa Templo, na ipinagibo ni Hadeng Solomon ki Huram gabos gibo sa makintab na bronse.

2 Mga Hade 25:15

Kinua man ninda an lambang kagamitan na gibo sa bulawan saka sa plata, sagkod an saradit na mangko saka an mga bugtakan nin baga.

2 Mga Cronica 24:14

Kan tapos na an trabaho, dinara ninda sa hade asin ki Jehoiada an natadang bulawan saka plata dangan an mga ini ginibo nindang mga mangko asin iba pang mga kagamitan para sa Templo. Mantang buhay pa si Jehoiada, padagos an pagdolot nin mga tinutong na atang sa Templo nin Kagurangnan.

Exodo 25:38

Gibohon nindo sa purong bulawan an pansipit sa mitsa asin an mga bandehado.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Exodo 38:3

Ginibo man niya an gabos na kagamitan kan altar: mga kawa, mga pala, mga mangko, mga kawit asin mga bugtakan nin baga. Ginibo niya ini gabos sa bronse.

Jeremias 52:18

Kinua ninda an mga kaldero, mga pala, mga pamalsok nin mitsa, mga palanggana, mga mangko para sa insenso, asin an gabos na kagamitan na bronse na ginagamit sa Templo.