2 Mga Hade 25:13 - Marahay na Bareta Biblia

¹³ Rinonot kan mga taga Babilonia an mga bronseng harigi, an mga kariton sa Templo asin an dakulang bronseng tangke, dangan dinara ninda sa Babilon an bronse.

2 Mga Hade 25:13 ပူးပေါင်းရင်းမြစ်များ

1 Mga Hade 7:15

Naggibo si Huram nin duwang bronseng harigi. An lambang saro kaini walong metros an langkaw asin limang metros may treynta sentimetros an pabilog na sukol. Ibinugtak niya an mga ini sa laogan kan Templo.

2 Mga Hade 20:17

Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

2 Mga Hade 24:13

asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

2 Mga Cronica 3:15

Sa atubang kan Templo nagpagibo siya nin duwang harigi na kinse may kabangang metros an langkaw kan lambang saro. An lambang harigi igwa nin kapitel na duwang metros, beynte sentimetros an langkaw.

2 Mga Cronica 36:18

Sinamsaman kan hade nin Babilonia an Templo nin Kagurangnan; dinara niya sa Babilon an gabos na kayamanan sa Templo, siring man an kayamanan kan hade asin kan mga opisyal kaini.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Isaias 39:6

Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Mga Panambitan 1:10

Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.