2 Mga Hade 25:1 - Marahay na Bareta Biblia

¹ Nagrebelde si Zedekias ki Hadeng Nebukadnezzar nin Babilonia, kaya nag-abot si Nebukadnezzar kaiba an bilog niyang hukbo dangan sinalakay an Jerusalem kan ikasampolong aldaw kan ikasampolong bulan kan ikasiyam na taon kan paghahade ni Zedekias. Nagkampo sinda sa luwas kan syudad, nagtugdok nin panlaom na mga kudal sa palibot kaiyan

2 Mga Hade 25:1 ပူးပေါင်းရင်းမြစ်များ

2 Mga Hade 24:1

Kan panahon kan paghahade ni Jehoiakim, sinalakay ni Hadeng Nebukadnezzar nin Babilonia an Juda. Tolong taon na nagin sakop ni Nebukadnezzar si Jehoiakim, dangan nagrebelde siya.

2 Mga Hade 24:10

Kan panahon na iyan, an hukbo ni Nebukadnezzar na hade nin Babilonia nagmartsa laban sa Jerusalem asin pinalibotan ninda ini.

2 Mga Hade 25:2

asin padagos na linaom an syudad sagkod kan ikaonseng taon kan paghahade ni Zedekias.

2 Mga Hade 25:8

Kan ikapitong aldaw kan ikalimang bulan kan ikadyes y nuebeng taon kan paghahade ni Hadeng Nebukadnezzar nin Babilonia, nag-abot sa Jerusalem si Nebuzaradan, an parahatol kan hade asin pamayo kan saiyang hukbo.

1 Mga Cronica 6:15

Itinapok ni Hadeng Nebukadnezzar si Jehozadak kaiba kan ibang mga tawo sa Juda saka Jerusalem na ipinatapok nin Kagurangnan.

2 Mga Cronica 36:11

Beynte y unong taon an edad ni Zedekias kan siya nagin hade sa Juda, asin onseng taon siyang naghade sa Jerusalem.

Isaias 29:3

Sasalakayon nin Dios an syudad, papalibotan iyan asin papalibotan nin mga tore.

Jeremias 21:2

“Makiolay ka sa Kagurangnan para samo, huli ta an syudad sinasalakay ni Hadeng Nebukadnezzar nin Babilonia asin kan saiyang hukbo. Tibaad pa gibohon sato kan Kagurangnan an saro kan saiyang mga ngangalasan asin paatrason niya si Nebukadnezzar.”

Jeremias 27:8

“Alagad kun dai maglingkod ki Nebukadnezzar na hade nin Babilonia an arin man na nasyon o kahadean, asin dai magpairarom sa saiyang kapangyarihan, papadusahan ko an nasyon na iyan sa paagi nin gera, gutom saka peste sagkod na dai ko pa itinutugot ki Nebukadnezzar na raoton nanggad an nasyon na iyan.

Jeremias 32:1

Nagtaram sako an Kagurangnan kan ikasampolong taon kan paghahade sa Juda ni Zedekias, na iyo an ikadyes y otsong taon kan paghahade ni Nebukadnezzar sa Babilonia.

Jeremias 32:2

Kan panahon na idto, sinasalakay an Jerusalem kan hukbo kan hade nin Babilonia, asin nabibilanggo ako sa patyo kan palasyo kan hade nin Juda.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 32:28

Itatao ko an syudad na ini ki Hadeng Nebukadnezzar nin Babilonia saka sa saiyang hukbo; sasakopon ninda ini

Jeremias 4:17

asin mapalibot sa Jerusalem, siring sa mga lalaking nagbabantay sa oma, huli ta an mga tawo duman nagrebelde tumang sa Kagurangnan. An Kagurangnan an nagtaram.

Jeremias 43:10

Dangan taraman mo sinda na ako, an Kagurangnan nin mga hukbo, an Dios nin Israel, iyo an madara sa lugar na ini sa sorogoon kong si Hadeng Nebukadnezzar nin Babilonia, asin ibubugtak niya an saiyang trono sa ibabaw kan mga gapo na ilinubong mo saka ibibiklad niya an saiyang tolda sa ibabaw kaiyan.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Jeremias 52:1

Beynte y unong taon an edad ni Zedekias kan siya magin hade sa Juda, asin onseng taon siyang naghade sa Jerusalem. An saiyang ina iyo si Hamutal na aki ni Jeremias na taga Libna.

Jeremias 6:3

makampo duman an mga hade kaiba an saindang mga hukbo. Itutugdok ninda sa palibot kan syudad an saindang mga tolda, dangan an lambang saro makampo sa lugar na mapili niya.

Ezekiel 21:14

“Kaya, aki nin tawo, magpropesiya ka. Mag-upak ka asin an espada dai maontok sa paggadan. Espada iyan na nanggagadan, sarong espada na nananakot asin nanggagadan.

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Ezekiel 40:1

Kan ikasampolong aldaw kan bagong taon, na iyo an ikabeynte y singkong taon nin samuyang pagkatapokan, asin ikakatorseng taon kan pagkasakop nin Jerusalem, namatean ko an mapangyaring presensya nin Kagurangnan.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Deuteronomio 28:52

Sasalakayon ninda an gabos na banwa na itatao saindo nin Kagurangnan na saindong Dios, sagkod na magkagaraba an haralangkaw asin makokosog na kudal na saindong sinasarigan.