2 Mga Hade 24:7 - Marahay na Bareta Biblia

⁷ An hade nin Egipto dai na nanggad naghale sa daga nin Egipto, huli ta sakop na ngunyan kan hade nin Babilonia an gabos na teritoryo na sadiri kan Egipto, magpoon sa Salog nin Eufrates sagkod sa amihan na pagdolonan nin Egipto.

2 Mga Hade 24:7 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Jeremias 46:2

An enot iyo an manongod sa Egipto, sa hukbo ni Neco na hade nin Egipto, na dinaog ni Hadeng Nebukadnezzar nin Babilonia sa Carkemis na harani sa Salog nin Eufrates kan ikaapat na taon kan paghahade ni Jehoiakim sa Juda:

Jeremias 46:6

Alagad dai nakakaharayo an mga marikas magdalagan; dai nakakadulag an mga soldados. Natumba sinda saka nagadan sa may Salog nin Eufrates, sa parteng amihan.

Ezekiel 30:21

“Aki nin tawo, binari ko na an braso kan hade nin Egipto. Mayo nin nagbugkos o nagbolong kaiyan tanganing dai man iyan magkosog dangan magkapot giraray nin espada.

Ezekiel 30:22

Kaya ini an itinataram ko, na Kagurangnan Dios: Kalaban ko an hade nin Egipto. Babarion ko an duwa niyang braso—an makosog niyang braso saka an brasong dati nang bari—dangan mabubutasan niya an espada.

Mga Bilang 34:5

saen maliko iyan pasiring sa kapantayan na nasa pagdolonan nin Egipto saka matapos sa Mediteraneo.

Josue 15:4

padagos sa Asmon, asin minasunod sa sapa na nasa pagdolonan nin Egipto dangan minatapos sa Dagat nin Mediteraneo. Iyo ini an pagdolonan sa habagat kan daga ni Juda.